Unga o'yinning eng yaxshi futbolchisi Marat Bikmaev hamrohlik qildi.
"Birinchi navbatda muxlislarga rahmat aytmoqchiman. Ularsiz nechta gol uramiz, nechta g'alaba qozonamiz o'z mazasini yo'qotadi. Raqib mavsum o'rtasida, bizda esa mavsum hali boshlanmagan. Yangi futbolchilar ko'p, hali jamoaviy o'yin shakllanmagan", - deydi SHota Arveladze.
"Muxlislarga rahmat aytaman. Kelib bizni qo'llab turishganidan xursandman. Ko'p imkoniyatlarga ega bo'ldik. Ammo mavsumning birinchi o'yini bo'lgani uchun ham biroz qiyin bo'ldi. Eng asosiysi g'alabaga erishdik va keyingi bosqichga chiqdik", - deydi Marat Bikmaev.
- Agar Bikmaevning zarbasi golga aylanmaganda sizning boshqa rejangiz bormidi?
- Raqiblarda o'yin davomida bitta vaziyat bo'ldi. Ular o'sha vaziyatni 0:2 vaqtida yaratishdi va gol urishdi. Muxlislar Bikmaevni almashtirishni so'rashdi, ammo oxirigacha unga ishondim.
- Jasur Yaxshiboev haqida nima deysiz?
- U mavsumoldi yig'inlar vaqtida o'zini yaxshi ko'rsatdi. Bugun ham yaxshi o'ynadi deb o'ylayman.
- Jarohat olgan uch futbolchidan qay biri "Al Nasr" bilan bahsga tayyor bo'ladi?
- Afsuski hech kim navbatdagi bahsgacha tayyor bo'lmaydi.
- Adashmasam 15 yildan so'ng "Paxtakor" klubiga qaytdingiz. Qanday hissiyotlar?
Marat Bikmaev: - Albatta hissiyotlarim ajoyib. Har holda futbolga mana shu klubda kirib kelganman. Yoshlar jamoasida o'ynaganman. Muxlislar meni yaxshi kutib olishganidan xursandman.
- Jamoada etakchi kim?
- Egor Krimec, Marat Bikmaev, Jaloliddin Masharipov, Sanjar Quvvatov etakchi.
Narzulla Saydullaev
Bosh sahifaga
1720