Quvvatov: "Suyunov? Raqobat jamoa foydasiga xizmat qiladi"

"Jamoadoshlarim va "Paxtakor" muxlislarini mavsumning ilk g'alabasi bilan qutlayman. O'yin haqida to'xtaladigan bo'lsam, uchrashuv qiyin o'tdi. Bu katta debyut bo'ldi. Biroz hayajon bo'ldi va buni muxlislarga bildirmaslikka harakat qildim. Asosiysi g'alabaga erishdik.
O'tkazgan golim? Bizning gollar juda chiroyli chiqdi, raqib ham o'ziga hos gol urishga muvaffaq bo'ldi.
Navbatdagi raqibimiz "Al-Nasr". Bu kuchli jamoalardan biri hisoblanadi. Ushbu o'yindagi asosiy maqsadimiz faqat g'alaba.
Eldor Suyunov tez orada safga qaytadi? Qaerda raqobat mavjud bo'lsa, o'sish kuzatiladi. Bu jamoa foydasiga xizmat qiladi. Raqobatdan Eldor ham men ham qo'rqmaymiz" - deydi Quvvatov.