Ahmedov 2010-2015 yillar davomida aynan "lochinlar" sharafini himoya qilgan edi. Biz "Navbahor"ning Turkiyadagi yig'iniga borib qo'shilgan futbolchi bilan suhbatlashdik.
- "Navbahor"ga o'tish qanday bo'ldi?
- Qishki yig'in davom etayotgan paytda "Navbahor"dan taklif tushdi. "Paxtakor"dan ketishni o'zim ham xohladim. SHu bois rahbariyatdan meni qo'yib yuborishlarini so'radim. CHunki hozir ayni o'ynaydigan yoshdaman. "Navbahor"ga qaytganimdan xursandman.
- Hozirgi "Navbahor" siz o'ynagan paytdagi "Navbahor" emas...
- Ha to'g'ri, bu "Navbahor" oldingi "Navbahor" emas, ancha o'zgarishlar bo'ldi, jamoa kuchaytirildi. O'tgan yil jamoa bronza medaliga ega chiqdi. Bu yil ham nasib qilsa yuqori o'rinlarni egallamoqchimiz.
- "Paxtakor"dan ketish qiyin bo'ldimi?
- "Paxtakor"ni tark etish qiyin bo'ldi albatta. "Paxtakor"da barcha sharoitlar zo'r, moliyaviy tomonlama ham zo'r. Aslida jamoada qolib maydonga tushmasdan ham maosh olib yuraversam bo'lardi, lekin men pulni tanlamadim. Bunga mening g'ururim yo'l qo'ymaydi. Mehnat qilib pul ishlamoqchiman. To'g'ri "Navbahor"da bunchalik pul ishlab topmasman, lekin xudo xohlasa yaxshi o'yinlar namoyish etib muxlislarni xursand qilmoqchiman.
- Kanchelskis haqida...
- "Navbahor"ning Turkiyadagi yig'inga bugun qo'shildim (suhbat 13 fevral kuni bo'lib o'tgan). Hozircha Kanchelskisning mashg'ulotida qatnashishga ulgurganim yo'q. Ammo talabchan murabbiy ekanligini bilama, baribir Evropada ishlagan. Undan ko'p narsani o'rgansa bo'ladi.
- Muxlislarga nima deysiz?
- Namanganlik muxlislar hamisha bizni qo'llab-quvvatlashsin, xudo xohlasa biz ham maydonda ularni xursand qilishga harakat qilamiz.
Narzulla Saydullaev suhbatlashdi
Bosh sahifaga
129