Jumladan, O'FA 1-vice-prezidenti Umid Ahmadjonovning maslahatchisi Sanat SHaripov va O'FA Terma jamoalar departamenti direktori SHarofiddin Hojiniyozov bugun Greciya futbol federaciyasi vakillari - Greciya futbol federaciyasi Texnik direktori Xaralampos Zelenicas, Greciya milliy terma jamoasi menejeri Despoina Papastatopulous hamda GFF Terma jamoalar bilan ishlash boshqarmasi vakili Antonis Zanetopulos bilan uchrashishdi.
Greciya futboli dunyoda o'z o'rniga ega bo'lib, bu mamlakat futbol metodologiyalari va murabbiylar tayyorlash bo'yicha Evropada etakchi mamlakatlar qatorida turadi.
2004 yilda Greciya Evropa chempionatida g'olib chiqqanidan keyin butun dunyoda Greciya terma jamoasining o'yin uslubi va natija uchun nihoyatda tartibli harakat qilish jihatlari sinchiklab o'rganilib, andozalar ko'chirishga harakat qilindi.
Greciyada murabbiylik licenziyasiga ega bo'lish uchun juda katta talab qo'yiladi. SHundan kelib chiqqan holda, bu erda murabbiylar faoliyatni boshlashdan avval o'z ustida ko'p ishlashi va murakkab imtihonlarga tayyor bo'lishi kerak bo'ladi.
O'zbekiston futbol associaciyasi mutasaddilari Greciya futboli vakillari bilan uchrashuv chog'ida murabbiylar tayyorlash tizimi haqida fikr almashishdi. Greciyadagi futbol akademiyalarida yo'lga qo'yilgan ish uslubi o'rganildi hamda o'zbekistonlik bolalar murabbiylarini Greciyaga yuborib, o'sha erda malaka oshirish kurslarida tahsil olishlarini taminlash bo'yicha ham bir to'xtamga kelindi. SHuningdek, kelgusida bolalar futboli bo'yicha greciyalik mutaxassislarni, Pro sertifikati hamda "A" licenziyasiga ega, Evropada kuchli hisoblangan murabbiylarni yurtimizga taklif etib, ular ishtirokida mamlakatimizdagi bolalar va o'smirlar akademiyalarida turli seminarlar va o'quv kurslari o'tkazish bo'yicha hamkorlik masalalari ko'rib chiqildi. Bundan tashqari, O'zbekistonning turli yoshdagi terma jamoalari bilan Greciya terma jamoalari o'rtasida o'rtoqlik o'yinlari o'tkazish bo'yicha ham kelishuvga erishildi.
O'zbekistonning ko'plab klublari va terma jamoalari qish mavsumida Turkiya mamlakatida yig'inlar tashkil etishadi. Greciya esa joylashuvi va iqlimi jihatdan Turkiyaga yaqin bo'lgani sababli, kelgusida Turkiyada yig'in o'tkazadigan jamoalar Greciyaga ham yo'l olib, bu erda nazorat o'yinlarini o'tkazish masalalari muhokama qilindi.
Bosh sahifaga
318