Aniqrog'i baxorning ilk kunlaridan Superliga musobaqasi boshlanish arafasida. Bo'lajak chempionatga astoydil tayyorgarlik ko'rayotgan “Andijon” futbol klubi eng avvalo o'z muxlislarini mazmunli o'yinlari bilan yuqori kayfiyat ulashish hamda ishqibozlarga stadionda qulaylik yaratish bo'yicha bir qator tashkiliy ishlarni amalga oshirmoqda. Xususan, klub marketing xizmati yangi mavsum oldidan “Andijon” jamoasining uy o'yinlariga kirish xuquqini beruvchi mavsumiy chiptalarni joriy etdi.
Xabaringiz bor, 2019 yilgi futbol mavsumi oldidan “Sog'lom avlod” stadioni yangicha ko'rinishga keltirilmoqda. “Andijon” jamoasining har bir uy uchrashuviga kirish xuquqini beradigan mavsumiy chiptalarning narxi 400,000 so'm qilib belgilangan.
Ushbu mavsumiy chiptani sotib olishning qulaylik tomoni shundaki, Siz har bir o'yin oldidan chipta sotib olishdan mosuvo bo'lasiz. Qolaversa bu orqali “Andijon” futbol klubining rivoji uchun o'z xissangizni qo'shgan bo'lasiz.
Mavsumiy chiptalarni sotib olish Siz xohlagan usulda amalga oshiriladi. Murojaat uchun manzil: 3 kichik daha, “Xalqlar do'stligi” stadioni.
Telefonlar:
+99874 226 70 27,
+99874 226 10 47,
+99899 907 10 13.
+99893 413 99 99
Faqat soat 09:00dan 18:00ga qadar telefon qilishingiz mumkin bo'ladi.
Bosh sahifaga
256