Jumladan, O'FA 1-vice-prezidenti Umid Ahmadjonovning maslahatchisi Sanat SHaripov va O'FAning Evropadagi vakili Dilshod Ro'zmetov Germaniya futbol federaciyasida bo'lib, nemis futboli mutasaddilari bilan uchrashuv o'tkazishdi. Jumladan, Germaniya futbol federaciyasi Xalqaro aloqalar va strategik loyihalar bo'yicha mutaxassis Patrik Motgomeri uchrashuv davomida Germaniya futboli bosib o'tgan rivojlanish yo'li haqida gapirib berdi. SHuningdek, nemis futbol akademiyalarida yo'lga qo'yilgan ish faoliyati, yosh futbolchilarni tarbiyalash, bolalar futboli murabbiylarini malakasini oshirish bo'yicha Germaniyada amalga oshirilayotgan chora-tadbirlar haqida batafsil malumot berdi.
Uchrashuv davomida nemis futbol mutaxassislarini yurtimizga olib kelish, ular ishtirokida bolalar va o'smirlar futbol akademiyalarida turli seminar va o'quv kurslari o'tkazish bo'yicha kelishuvga erishildi. SHuningdek, "Bavariya", "Ayntraxt" klublari akademiyalari bilan yaqin hamkorlik o'rnatish va bu hamkorlik doirasida yurtimizdagi bolalar futboli bo'yicha murabbiylarni malaka oshirish uchun Germaniyaga yuborish masalalari ham ko'rib chiqildi.
Bundan tashqari, ikki mamlakatning turli yoshdagi terma jamoalari o'rtasida o'zaro o'rtoqlik o'yinlari tashkil qilish bo'yicha ham muhokama o'tkazildi. SHu yilning may oyida Berlinning U-18 jamoasi mamlakatimizga tashrif buyuradi hamda O'zbekistonda bu jamoa bilan o'rtoqlik o'yinlari tashkil etiladigan bo'ldi.
Uchrashuv yakunida Germaniya futbol federaciyasi vakillariga O'FA nomidan esdalik sovg'alari topshirildi.
Bosh sahifaga
1280