Biz ushbu yig'inda qatnashgan jamoa hujumchisi Temurxo'ja Abduxoliqov bilan qisqa suhbat qurdik.
- Turkiyadagi yig'in qanday o'tdi?
- Bir qator kuchli klublarga qarshi nazorat uchrashuvlarini o'tkazdik. Murabbiylar bergan barcha topshiriqlarni bajarishga harakat qildik. Barcha rejalar amalga oshirildi. Qanchalik tayyor ekanligimizni mavsum davomida bilib olamiz.
- Yangi kelgan futbolchilar jamoaga moslashib ketishdimi?
- Moslashish jarayoni davom etmoqda. Buning natijasini birinchi rasmiy o'yinda ko'ramiz.
- 23 fevral kuni O'zbekiston Superkubogi uchun bahsda AGMK bilan o'ynaysizlar...
- Bu uchrashuv oson bo'lmaydi. Lekin Superkubokni qo'lga kiritish uchun bor kuchimiz bilan harakat qilamiz.
- Marat Bikmaev "Lokomotiv"ni tark etdi. Endi hujumda sizga ko'proq "yuk" tushishi kutilmoqa. Bunga tayyormisiz?
- 2016 yilgi mavsumda jamoaning asosiy hujumchisi bo'lgandim va chempionat to'purari bo'lgandim. Buni yana takrorlashga harakat qilaman.
- Yangi mavsumdan nimalar kutayapsiz?
- Hali mavsum qachon boshlanishini bilmaymiz. SHunga juda ham qiziq bo'lsa kerak deb o'ylayapman. Boshlanishi qiziq bo'layapti, endi davomi ham qiziq bo'lsa kerak.
Malumot uchun, "Lokomotiv" Turkiyadagi yig'in davomida "Dinamo" (Moskva, Rossiya) 1:1, "Astana" (Qozog'iston) 1:1, "Zarya" (Ukraina) 0:1 va "Olimpiya" (Sloveniya) 1:1 klublari bilan nazorat uchrashuvlari o'tkazdi.
Narzulla Saydullaev suhbatlashdi
Bosh sahifaga
1264