Uning oldida bir qator takliflar bo'lsa-da, Bobur “Andijon” jamoasining taklifini qabul qildi va rasman shartnoma imzoladi. Bo'lajak mavsum oldidan Bobur Amonov bilan suhbatlashishga qaror qildik.
- Bobur, bir necha yillar davomida “Buxoro” jamoasida barqaror o'ynadingiz. “Buxoro”dan ketishingizga nima sabab bo'ldi?
- Har bir futbolchi o'z oldiga maqsad qo'yadi va shu maqsad sari intiladi. O'z ustida ishlashni va jamoamiga yordam berishni istaydi. Ko'p yillar davomida “Buxoro” jamoasida to'p tepdim. Men Buxoro futbol maktabi tarbiyalanuvchisiman va jamoa mening oilamdek edi. Bu yil esa o'zimni boshqa jamoada sinab ko'rishni xohladim. Lekin “Buxoro” jamoasi har doim hayotimda qoladi va balki qachondir yana o'z viloyatim jamoasi sharafini himoya qilishimga ishonaman. “Buxoro” klubining barcha xodimlaridan va muxlislaridan doimo minnatdorman.
- Bilamiz “Buxoro” jamoasini tark etganizdan so'ng sizga bir qator klublardan takliflar bo'ldi. SHularning orasidan siz nega aynan “Andijon”ni tanladingiz?
- To'g'ri, bir qator klublardan takliflarni oldim. Buning uchun ularga o'z minnatdorchiligimni izhor qilaman. “Andijon” o'z oldiga jiddiy maqsad qo'ygan va ularning rejalari menga yoqdi. Bundan tashqari jamoada ko'plab futbolchilar bilan tanishman. SHu sababli, xech ikkilanmay “Andijon”ning taklifni qabul qildim. Uylaymanki, jamoadoshlarim bilan g'alabalarga erishib andijonlik muxlislarini xursand qilamiz.
- Bobur Amonov ushbu mavsumda o'z oldiga qanday rejalar va maqsadlarni qo'ydi?
- Avvalo yangi jamoaga foydam tegishini istayman. O'z ustimda ko'proq ishlashni va jamoadoshlarim bilan g'alabalarga erishishni xohlayman. Buning uchun ko'limdan kelgancha barcha ishlarni amalga oshiraman.
- Muxlislarga qanday tilaklaringiz bor?
- Buxorolik muxlislar meni to'g'ri tushunishlarini so'rab qolaman. Hayotimda ularning o'rni beqiyos. SHu paytga qadar yaxshi va yomon kunda ham qo'llab-quvvatlab kelganliklari uchun o'z minnatdorchiligimni izhor qilaman. Andijonda futbolni sevishadi. O'z suyuklilarni Superligada doimo stadiondan turib qo'llab-quvvatlab turishlarini so'rab qolaman.
Dildora Xolboeva suhbatlashdi
Bosh sahifaga
181