Ushbu uchrashuv g'olibi OCHL guruh bosqichiga yo'llanmani qo'lga kiritadi. O'z ananamizga binoan o'quvchilarimizga bo'lajak raqib haqida malumot beramiz.
1955 yil Ar-Riyod shahrida tashkil etilgan "Al Nassr" klubi o'tgan yil Saudiya Arabistoni chempionatida bronza medaliga ega chiqqan.
Ushbu jamoani bugungi kunda portugaliyalik Rui Vitoriya boshqarib bormoqda. U 14 yanvar kuni jamoaga bosh murabbiy etib tayinlandi. U futbolchilik faoliyati davomida asosan Portugaliya quyi divizioni klublarida o'ynagan. 2002 yildan buyon murabbiylik qilmoqda. Hozirga qadar "Benfika", "Pasush Ferreyra" va "Vitoriya Gimarayesh" klublarini boshqargan.
2013 yilda "Gimarayesh" klubi bilan Portugaliya kubogini qo'lga kiritgan. 2016 va 2017 yillarda "Benfika" bilan ikki marta Portugaliya chempioni bo'lgan, bir martadan Portugaliya kubogi hamda Portugaliya liga kubogini qo'lga kiritgan. SHu ikki yilda Portugaliya chempionatining eng yaxshi murabbiyi deb topilgan.
“Al Nassr” 2011, 2015 va 2016 yillarda Osiyo chempionlar ligasi guruh bosqichida ishtirok etgan. Faqat 2011 yilda jamoa guruhdan chiqqan va 1/8 finalda yutqazgan.
Bu jamoa OCHLda 6 marta O'zbekiston klublariga qarshi o'yin o'tkazgan va umuman mag'lub bo'lmagan: 3 g'alaba, 3 durang.
Bugungi kunda "Al Nassr" safida avstraliyalik darvozabon Bred Jons, perulik Kristian Ramos, marokashlik Abdulrazzoq Hamdallah va Nurdin Amrabat, braziliyalik Juliano, Brunu Uvini va Petros, Nigeriya terma jamoasi hujumchisi Ahmad Musa kabi mashhur legionerlar bor. Biroq Osiyo chempionlar ligasida legionerlar limiti 3+1 bo'lgani uchun musobaqa uchun faqat 4 legioner ro'yxatdan o'tkazildi. Bular: himoyachi Maykon Roke (Braziliya), yarim himoyachi Juliano (Braziliya), Abdulrazzoq Hamdallah (Marokash) va darvozabon Bred Jons (Avstraliya).
Mahalliy futbolchilardan Yahyo Al SHehri, Omar Havsavi, Muhammad Al Sahlavi aynan shu klubda faoliyat olib borishmoqda.
Ayni paytda Saudiya Arabistoni ligasida 20ta tur ortda qoldi. "Al Nassr" 13ta g'alaba bilan musobaqa jadvalida ikkinchi o'rinda bormoqda. Jamoa hujumchisi Abdulrazzoq Hamdallah 13ta, Juliano hozircha 7ta gol urishga erishdi. "Al Nassr" Saudiya Arabistoni chempionatida oxirgi 9ta uchrashuvning faqat bittasida mag'lub bo'ldi xolos (5 g'alaba, 3 durang va 1 mag'lubiyat).
"AL-NASSR" (Saudiya Arabistoni)
Laqabi: Najd ricarlari
SHahar: Ar-Riyod
Tashkil topgan sana: 1955 yil 24 oktyabr
Uy stadioni: "Qirol Fahd"
Sig'imi: 62685 tomoshabin
Klub xo'jayini: Saud Al Suvailem
Bosh murabbiy: Rui Vitoriya (Portugaliya)
Rasmiy sayti: alnassrfc.com
Sovrinlari:
Saudiya Arabistoni chempioni - 7 marta
Qirol kubogi sohibi - 6 marta
Saudiya Arabistoni Valiahd SHahzoda kubogi sohibi - 3 marta
Saudiya Arabistoni Federaciya kubogi sohibi - 3 marta
Osiyo CHempionlar kubogi – 1 marta
Osiyo Kubok egalari kubogi sohibi - 1 marta
Osiyo Superkubogi sohibi - 1 marta
Fors Ko'rfazi chempionlar ligasi g'olibi - 2 marta
“Al Nassr” (Saudiya Arabistoni)
Darvozabonlar
1.Bred Jons (Avstraliya)
22.Abdulloh Al Ovayshir
31.Zayd Al Bavardi
33.Volid Abdulloh
Himoyachilar
2.Sulton Abdulloh
4.Umar Ibrohim
13.Abdulrahmon Al Obayd
18.Maykon Roke (Braziliya)
20.Hamad Faris Al Mansur
21.Muhammad Al SHanqiti
26.Abdulloh Madu
37.Naif Almas
Yarim himoyachilar
8.Yahyo Al SHehri
14.Ibrohim Muhammad
15.Ahmad Al Fraydi
16.Abdulaziz Jebrin
17.Abdulloh Haybari
25.Navaf Al Farshan
27.Avad Hamis
29.Rakan Al SHamlan
38.Fahad Al Jumeiah
39.Abdulrahmon Al Dossari
45.Faraj Al Gashayan
77.Juliano (Braziliya)
Hujumchilar
9.Abdulrazzoq Hamdallah (Marokash)
10.Muhammad Al Sahlavi
42.Firas Al Brikan
71.Abdulloh Al Salim
Bosh sahifaga
395