1945 yil tashkil etilgan “Al Nasr” sport klubi bugunga qadar 3 marta BAA chempioni bo'lgan. "Al Nasr"ning futboldan tashqari futzal, volleybol, gandbol, basketbol, stol tennisi, suzish, velosport, engil atletika va jui-jitsu kabi sport turlarida o'z jamoasi mavjud.
Ayni paytda jamoani ispaniyalik murabbiy Benyat San Xose boshqarib bormoqda. U murabbiylik faoliyatini "Real Sosedad" yoshlar jamoasida boshlagan. Hozirga qadar "Al Ittihod" va "Al Ittifoq" (Saudiya Arabistoni), "Antofagasta" va "Universidad Katolika" (CHili), "Bolivar" (Boliviya) klublarida ishlagan. 2013 yil "Al Ittihod" bilan birga Saudiya Arabistoni Qirol kubogini qo'lga kiritgan. 2017 yil "Bolivar"ni Boliviya chempioni qilgan. O'tgan yil esa "Universidad Katoliya"ni CHili chempioniga aylantirgan. 2019 yil 2 yanvaridan boshlab “Al Nasr” bosh murabbiyi sifatida ishlamoqda.
"Al Nasr" klubi o'z tarixida uch bor Osiyo chempionlar ligasi guruh bosqichida o'ynagan. Faqat bir bor, 2016 yil guruhdan chiqqan va chorak finalga qadar etib borgan. 2013 yil OCHL guruh bosqichiga chiqish uchun pley-offda "Al Nasr" o'z maydonida "Lokomotiv"ni 3:2 hisobida mag'lub etgandi. 2016 yilda esa "Al Nasr" guruh bosqichida "Lokomotiv" bilan ikki bor o'yin o'tkazgan. Dubaydagi uchrashuv 1:1, Toshkentdagi o'yin 0:0 hisobida yakuniga etgan.
Jamoa Osiyo chempionlar ligasi uchun to'rt nafar legionerni ro'yxatdan o'tkazdi. Bular himoyachi Jon Umari (Livan), hujumchilar Ronni Allan Fernandez (CHili), Alvaro Negredo (Ispaniya) va Serxio Dutra Junior (Braziliya). Legionerlar orasida ko'pchilik ispaniyalik Alvaro Negredoni yaxshi tanisa kerak. Faoliyati davomida "Real Madrid", "Sevilya", "Manchester Siti", "Valensiya", "Beshiktosh" kabi mashhur klublarda o'ynagan hujumchi 2012 yil Ispnaiya terma jamoasi safida Evropa chempioniga aylangan. 2014 yil "Siti" tarkibida Angliya premer-ligasida chempionlikka erishgan.
Ushbu mavsumda "Al Nasr" 15ta turdan so'ng 16 ochko to'plab, 14ta klub orasida 9-o'rinni egallab turibdi. Negredo bu mavsum hozircha 11ta gol urishga erishdi. "Al Nasr" BAA chempionatidagi oxirgi 6ta o'yinda faqat bir bor g'alabaga erishdi. So'nggi uchta uchrashuvda umuman g'olib bo'la olmadi.
"AL-NASR" (BAA)
Laqabi: "Ko'klar"
SHahar: Dubay
Tashkil etilgan sana: 1945 yil
Uy stadioni: "Al Maktum"
Sig'imi: 15000
Klub xo'jayini: SHayx Hamdam bin Rashid Al Maktum
Bosh murabbiy: Benyat San Xose (Ispaniya)
Rasmiy sayti: www.alnasrclub.com
Sovrinlari:
BAA chempioni - 3 marta
BAA prezidenti kubogi sohibi - 4 marta
BAA Federaciya kubogi sohibi - 3 marta
BAA kubogi sohibi - 1 marta
Arab Ko'rfazi Superkubogi sohibi - 2 marta
Fors Ko'rfazi chempionlar ligasi g'olibi - 1 marta
“Al Nasr” (BAA)
Darvozabonlar
12.Ahmad SHambih
35.G'ayt Hussayin
44.Ibrohim Eysa
96.Muhammad Yusuf
Himoyachilar
2.Muborak Said
6. Mahmud Hamis
18.Ahmad Ibrohim
20.Masud Sulaymon
21.Muhammad Ali Ayed
25.Muhammad Sarvashi
30.Jon Umari (Livan)
32.Xalifa Muborak G'anim
92.Said Ali Suvaydan
Yarim himoyachilar
4.Xolid Jalol
5.Tariq Ahmad
10.Xabib Al Fardan
15.Al Husayin Solih
16.Amir Muborak
17.Jassim Yoqub
29.Ali Hussayin
49.Muhammad Ibrohim
70.Rashid Muhammad
83.Muhammad Abdulrahmon
Hujumchilar
8.Muhammad Al Akbari
9.Ronni Allan Fernandez (CHili)
11.Alvaro Negredo (Ispaniya)
23.Serxio Dutra Junior (Braziliya)
33.Salim Solih
Bosh sahifaga
126