Professional futbol ligasi yangi mavsumga qizg'in hozirlik olib bormoqda. Kelayotgan mavsum davomida Superliga, Pro-liga, mamlakat kubogi, qolaversa, mamlakat Superkubogi bellashuvlarini yuqori darajada tashkil etish, o'yinlar translyaciyasi, stadionlarda muxlislarga yaratiladigan shart-sharoitlarni yanada yaxshilash borasida ish olib borilmoqda.
SHu o'rinda qayd etish joizki, nafaqat o'yin atrofidagi, balki o'yin ichidagi muhim omillar ham yuqori saviyada bo'lishi – asosiy maqsad qilib qo'yilgan. SHu boisdan yangi – 2019 yilgi mavsumda O'zbekiston chempionati va kubogi, shuningdek, Superkubok uchrashuvlarida ayni paytda jahonning bir qator etakchi ligalarida rasmiy to'p bo'lgan Adidas Conext 19 to'plaridan foydalaniladi. Mazkur to'plar ancha sifatli va tajribadan o'tgan bo'lib, hozirda Osiyo CHempionlar ligasida ham aynan Adidas Conext 19 to'plaridan foydalanilmoqda.
Bosh sahifaga
191