"Bizni qiyin bahs kutayotgani ayon edi. "Al Nasr" safida qator yaxshi saviyadagi legionerlar bor. Biz jamoa bilan yaxshi o'yin ko'rsatishga urindik va buni uddaladik. O'yin og'ir o'tdi deb ayta olaman.
Penalti tepayotganda sal qo'rqdim. CHunki bir necha daqiqa oldin raqib ushbu "nuqta"dan adashgandi. Lekin xotirjamlikni saqlab, fikrimni bir joyga jamladim va to'pga yaqinlashdim.
Muhimi, bugun biz o'z oldimizdagi vazifani bajardik. Endi bor etiborni ichki chempionat va OCHL guruh bosqichiga qaratamiz. Guruhimiz juda kuchli, lekin imkonsiz ishning o'zi yo'q. Ikki qiyin o'yinni yutdik. Endi guruhda yaxshi qatnashishga urinamiz", - deydi "Al Nasr" - "Paxtakor" (1:2) uchrashuvining eng yaxshi futbolchisi deb topilgan Dragan CHeran.
Eslatib o'tamiz, "Paxtakor" OCHL pley-off doirasidagi "Al Nasr"ga qarshi bahsni o'z foydasiga hal etdi. Mazkur bahsda esa hisobni ochuvchi golni aynan Dragan CHeran penaltidan kiritdi. Bundan avval esa "Paxtakor" Toshkentda Iroq klubi "Eyr Fors"ni yutib pley-off bahsida qatnashish huquqini qo'lga kiritgandi.
"Paxtakor"ning guruhdagi raqiblari: "Persepolis" (Eron), "Al Sadd" (Qatar), "Al Ahli" (Saudiya Arabistoni).
Bosh sahifaga
210