Bosh murabbiy Baxtiyor Ashurmatov mahalliy yoshlar bilan bir qatorda ayrim chiziqlarga tajribali futbolchilarni ham jalb etmoqda.
Xususan o'tgan mavsum “Buxoro” sharafini himoya qilgan Salamat Qutiboev joriy yil ham jamoadagi faoliyatini davom ettiradigan bo'ldi. U jamo safida to'p surib mehnatkash va pleymeyker vazifasini munosib tarzda bajarib kelmoqda. Tajribali yarim himoyachiga Superliganing bir nechta klublaridan chaqiruv bo'lishiga qaramay, Quttiboev “Buxoro”da qolishga qaror qildi va shu tariqa klub bilan tuzgan shartnomasini yana bir yilga uzaytirdi.
SHuningdek murabbiylar shtabi hujum chizig'ini kuchaytirish maqsadida Ivan Nagaevni jamoaga qaytarishga qaror qildi. Ushbu tezkor hujumchi 2017 yilgi mavsumida jamoa safida 29ta uchrashuvda maydonga tushib,10ta gol urishga muvaffak bo'lgan va mahalliy muxlislarning yoqimtoyiga aylanib ulgurgandi. SHu bois Nagaev yana sobiq jamoasiga qaytarildi.
Yaqinda jaroxatidan to'liq forig' bo'lgan futbolchi “Buxoro”ning umumiy guruhi bilan mashg'ulotlarga kirishdi. Aytish kerakki, Ivan Nagaev ham “Buxoro” jamoasi bilan rasman shartnoma imzoladi.
Bu bilan buxoroliklar selekciya ishlarini hozircha yakunlangani yo'q. Bosh murabbiy Baxtiyor Ashurmatov hozirda yana ayrim futbolchilar bilan muzokara olib bormoqda. Yaqinda orada ular bilan ham rasman kelishuvga erishilsa, bu haqda batafsil malumot beramiz. 
Bosh sahifaga
201
