Manbaaning xabariga ko'ra, ispaniyaliklar Madrid restoranlaridan birida kech soat 21:30 uchrashishgan va 2 soat davomida dildan suhbat qurishgan. Uchrashuvda shuningdek klub direktorlari Xose Anxel Sanches va Ramon Martines ham ishtirok etishgan.
Peres va Solari jamoadagi holat va natijalar borasida gaplashib olishdi. Jumladan, Marseloning jamoadan ketishi mumkinligi, yosh iqtidor sohibi Vinisius Juniorning oyligini oshirish borasida maslahatlashib olishgan. Solarining keyingi taqdiri borasidagi masalada, Santyago bu jamoaning natijalariga bog'liq ekanligini tushunishini aytib o'tgan.
Florentino Peres esa "Jirona"ga ochkolar sovg'a qilish rejada bo'lmaganini, natijada peshqadam "Barselona" bilan farq 9 ochkoga etgani, qo'shimchasiga "matraschilar" ham "Qirollik klubi"ni quvib o'tgani prezidentni qattiq ranjitganini yashirib o'tirmadi. Agarda jamoa asosiy raqib "Barselona"ga qarshi Kubok va La Liga doirasida yaqin ikki uchrashuvda (27 fevral va 2 mart kunlari) yutqazib qo'ysa, Solariga chiqish eshiklari ko'rsatilishini ochiq aytgan.
Bosh sahifaga
1978