Andrey Fyodorov: "Murabbiy sifatida ilk bor Superkubok bahsida ishtirok etaman. Jamoa uchun ilk rasmiy bahsga aylanadi. Kim g'olib chiqishini esa ertangi bellashuv aniqlab beradi".
Oleg Zoteev: "Biz bu o'yinni intiqlik bilan kutdik. Qo'shimchasiga ertaga bizning bayram. SHu boisdan ham ertangi bayram kayfiyatini yanada ko'tarishga harakat qilamiz".
Islom To'xtaxo'jaev: "Bizni muhim va qiyin bahs kutmoqda. Ertaga g'alaba orqali muxlislarimizni xursand etmoqchimiz".
Aziz Haydarov: "Nega "Lokomotiv"ni tanladim? Birinchi navbatda Anzur Ismoilov sababli "Loko"ga o'tdim. O'rtog'im chaqirgani va jamoaning o'yin uslubi menga yoqqani uchun "temiryo'lchi"ga aylandim. "Bunyodkor"ni qiyinchilik yuzaga kelgani tufayli tark etganim yo'q".
Sardor Mirzaev: "Lokomotiv" safida avval ham Superkubokda o'ynaganman va sovringa ega chiqqandim. Biz uchun barcha o'yin muhim ahamiyatga ega. Superkubokdagi g'alaba esa sizga sovrin taqdim etadi. Ertaga o'tgan safargi hisni, yani Superkubokka ega chiqish zavqini qayta his etmoqchiman. Ertangi uchrashuvda stadionda muxlislarni kutamiz. Zero ular uchun futbol o'ynaymiz. Ajoyib muhitda futbol o'ynash doim yoqimli".
Temurxo'ja Abduxoliqov: "Ertangi o'yinda jamoa sovrin egasiga aylanishi mumkinligi futbolchilarga qo'shimcha motivaciya beradi. Mavsumni g'alaba va sovrin bilan boshlash muhim. Mavsumni qanchalik ko'tarinki ruhda boshlasak, davomi ham shunga monand bo'lishi mumkin. SHu boisdan ham mazkur bahsga jiddiy yondoshamiz. Qiziq va chiroyli o'yin bo'lishini kutyapman. Natija biz uchun muhim".
Anzur Ismoilov: "Superkubok nimasi bilan ajralib turadi? Kimki yutsa chempion :-) Bunday bahsda ilk bor ishtirok etaman. To'g'risi, juda ham yutgim kelmoqda. Superkubok o'yini sovrin uchun eng qisqa va qiziqarli bahsligi bilan boshqa o'yinlardan ajralib turadi".
Bosh sahifaga
182