Bellashuv poytaxtdagi “Paxtakor” stadionida o'tadi va 16:00 da start oladi. Bugungi bahs “Sport” telekanali orqali to'g'ridan-to'g'ri efirda namoyish etiladi.
O'yin boshlanishidan oldin va tanaffus vaqtida yurtimizning el suygan sanatkorlari ishtirokida koncert dasturi va turli tadbirlar tashkil etilishi ko'zda tutilgan. Jumladan, estradamiz yorqin yulduzlari – G'ayrat Usmonov, Sanjar Holiqov, Otabek Mutalxo'jaev, Jasur Umirov, “Benom” guruhi, “Afruz” guruhi hamda Lola va SHahzoda ishtirokidagi o'yinoldi koncert soat 14:30dan boshlab stadionga tashrif buyuruvchi muxlislar etiboriga havola etiladi.
Yana bir quvonarli jihat shundaki, ishqibozlar Superkubok o'yiniga bepul tarzda kirish imkoniyatiga ega bo'lishadi. O'yin uchun chiqariladigan chiptalar taklifnoma tarzida “Paxtakor” stadioni kassalarida muxlislarga bepul tarzda taqdim etiladi.
Takidlab o'tamiz, O'zbekiston Superkubogi-2019 uchrashuvi Turkiyaning KOC Elektrik AS kompaniyasi bosh homiyligi ostida kechadi.
Bosh sahifaga
2018