YANGILASH
77. Gollllllll! Zafar Polvonov! 2:1! AGMK "Loko"ning ikkinchi goliga tezkor javob qaytardi. Jasur Hasanovning to'p oshirishidan so'ng Polvonov boshi bilan darvozani aniq nishonga oldi - 2:1!
74. Golllllll! Yovan Jokich! 2:0! Jarima zarbasidan so'ng Sultonov to'pni mushtlari bilan qaytarib yubordi, AGMKning sobiq futbolchisi Jokich esa jarima maydonchasi oldidan qaytgan to'pni darvozaga joyladi - 2:0!
72. "Lokomotiv" standart vaziyatini amalga oshirish huquqini qo'lga kiritdi.
69. "Lokomotiv" va AGMK hisobdan kelib chiqqan holda o'ynashmoqda. AGMK ko'proq hujumga o'tishga urinmoqda, "Loko" esa qarshi hujumda raqibni ushlamoqchi.
68. "Loko"da ham o'zgarish: Oleg Zoteev o'rniga Igor Yelich maydonga tushdi.
62. AGMK safida taktik o'zgarish: Mirjamol Qosimov o'rniga hujumchi Jasur Hakimov maydonga tushirildi. Endi AGMK 4-3-3 taktik uslubidan 4-4-2ga o'tadi.
58. AGMKning hujumlari ancha keskin va xavfli tus olmoqda.
57. AGMKning xavfli hujumi! Mirjamol Qosimovning zarbasiga birozgina aniqlik etishmadi.
55. Husniddin G'ofurovning uzoqdan tepgan to'pini Sultonov ushlab oldi.
54. Jasur Hasanov tomonidan tepilgan to'p jonli devorga tegib darvozabonning qo'liga borib tushdi.
53. Sanat SHixov markazda Oleg Zoteevdan to'pni olib qo'ydi va oldinga intildi. Jarima maydonchasi oldida esa unga nisbatan qoida buzildi. Jarima zarbasi.
52. AGMK himoyachisi Saydullo Rahmatov hakam tomonidan ogohlantirildi.
49. AGMK to'p nazoratini o'z qo'liga olgan holda pozicion hujumga o'tishga urinmoqda.
46. Ikkinchi taym boshlandi!
45. Birinchi taym tugadi. Tanaffus!
44. AGMKning hujumi besamar ketdi.
42. "Lokomotiv" tanaffus oldidan hisobdagi ustunlikni yana oshirish imkoniyatiga ega bo'lgandi. Biroq oxirgi zarbani berishda biroz sovuqqonlik etishmadi.
39. AGMKda o'zgarish: Mirolyub Kostich o'rniga Marko Zochevich maydonga tushirildi.
36. O'yin tempi ancha pasaydi. AGMK o'yinni o'z jarima maydonchasi oldidan uzoqlashtirishga erishdi. Endi olmaliqliklar muvozanatni tiklash maqsadida oldinga intilishmoqda.
32. AGMKning oldingi chiziqdagi ishlari ko'ngildagidek davom etmayapti. Himoyada esa muammolar ko'zda tashlanib qolmoqda.
29. "Lokomotiv"ning har bir hujumi xavfli tus olmoqda. SHunchaki darvozani "o'qlash"da ularga birozgina aniqlik etishmayapti.
27. Sanat SHixovning uzoqdan tepgan zarbasi aniq chiqdi, lekin bu darvozabon uchun ortiqcha xavf tug'dirmadi.
26. Navbatdagi xavfli hujum. Yana o'ng qanot orqali. Bu safar Diyor Turopovning zarbasiga aniqlik etishmadi.
25. Jamshid Iskanderovning jarima to'pidan tepgan kuchli zarbasi mo'ljalga aniq bormadi.
21. O'yin tizgini "Lokomotiv" qo'lida. O'ng qanot orqali uyushtirilgan hujum xavfli tus oldi. Hoshimovning uzatmasiga zarba beradigan futbolchi topilmadi. Burchak zarbasidan esa "temiryo'lchilar" foydalana olishmadi.
19. AGMK navbatdagi hujumini markazdan tashkil etdi. Biroq ushbu to'p oshirilishiga olmaliqliklar tarkibidan hech kim ulgurmadi va natijada hujum besamar ketdi.
16. Xavfli vaziyat! Saydullo Rahmatov chap qanotdan uzatgan to'pni Mirjamol Qosimov darvozaga burishga urindi, ammo to'p futbolchi istagan yo'nalishga burilmadi.
12. GOOOL! Abduholiqov qanotdan etkazib berilgan to'pni boshi bilan darvozaga joylab qo'ydi. 1:0
10. Davron Hoshimov maydon markazida tirsagi bilan raqib hujumchisi Zafar Polvonovga zarba berib yubordi. Uchrashuv to'xtatildi, shifokorlar tibbiy yordam ko'rsatishmoqda.
7. GOL! Ammo yon hakam bayroqchasini ko'tarib, o'yindan tashqari holat bor ekanligini ko'rsatdi. Abduholiqov jamoadoshi bergan zarbani egallab olishdan avval ofsaydda edi.
5. Davron Hoshimov o'z qanotida Jasur Hasanovni qo'pollik bilan to'xtatib qoldi.
4. Suhrob Sultonov o'yindagi ilk seyvni amalga oshirdi.
3. Bugun bahsni tomosha qilish uchun stadionga ko'p 10 mingdan ortiq muxlis tashrif buyurgan.
1. Uchrashuv boshlandi.
- Marhum Sirojiddin Sayfiev xotirasiga bir daqiqa sukut saqlanmoqda.
O'zbekiston Superkubogi-2019.
"Lokomotiv" - AGMK 2:1
23 fevral 2019. Toshkent. "Paxtakor" stadioni. 16:00
Hakamlar: SHerzod Qosimov, Sanjar SHoyusupov, Andrey Capenko, Jasur Muxtorov.
Nazoratchi: Baxtiyor Namozov.
PFL komissari: Erkin Baxtiyorov.
Gollar: Abduholiqov (12), Jokich (74) - Polvonov (77)
"Lokomotiv": 35.Javohir Ilyosov, 5.Anzur Ismoilov, 8.Jamshid Iskanderov, 10.Sardor Mirzaev, 11.Temurxo'ja Abduxoliqov, 17.Husniddin G'ofurov, 20.Islom To'xtaxo'jaev, 23.Yovan Jokich, 24.Davron Hoshimov, 33.Oleg Zoteev (88.Igor Yelich, 68), 77.Diyor Turopov
Zaxira: 12.Mamur Ikromov, 7.Azizbek Haydarov, 9.Filip Rayevac, 19.Avazbek O'lmasaliev, 70.Alisher SHog'ulomov, 71.Arslonmurod Omonov, 88.Igor Yelich.
AGMK: 32.Suhrobjon Sultonov, 4.Mirjamol Qosimov (15.Jasur Hakimov, 62), 5.Dilshod Jo'raev, 8.Sanat SHixov, 9.Zafar Polvonov, 19.Jasur Hasanov, 22.Mirolyub Kostich (6.Marko Zochevich, 39), 23.Akmal SHorahmedov, 31.Saydullo Rahmatov, 33.Sardor Rahmonov, 44.Bobur Yuldoshev.
Zaxira: 45.Akbar To'raev, 6.Marko Zochevich, 11.Zohir Pirimov, 15.Jasur Hakimov, 20.Mirg'iyos Sulaymonov, 21.G'ulom Haydar 36.G'ulomov, SHahboz Umarov.
Bosh sahifaga
249