Kecha PFL Superligada ishtirok etuvchi 11 klubga qura tashlash marosimi bo'lishi haqida malumot bergan va marosimda jamoa bosh murabbiyi hamda klub direktorlari ishtirok etishini so'ragan.
Hozircha yangi mavsumda Superligada nechta jamoa ishtiroki etishi nomalumligicha qolayotgandi. PFL ham bu haqda rasman chiqish qilib, agarda kimki talablarni bajarmasa, unda jamoalar soni 10taga qadar qisqarishi mumkinligi ham qo'shimcha qilingandi.
Hozircha rasman o'z tasdig'ini topmagan, ammo bizga malum bo'lishicha, Superligada yangi mavsumda 12 jamoa qatnashadi. Biroq gap shundaki, PFL qura tashlash marosimi haqidagi xatni 12 jamoaga emas, balki faqatgina 11 klubga jo'natgan. Bular: "Paxtakor", "Nasaf", "Metallurg", "Navbahor", "So'g'diyona", "Qo'qon-1912", "Buxoro", "Lokomotiv", "Andijon", AGMK va "Qizilqum".
Malumot o'rnida: PFL klublarga yuborgan xatlar "So'g'diyona"ga yuborilgan xat pochta manzili allaqachon klubni tark etgan sobiq matbuot kotibasi Dildora Xolbaeva nomiga, "Metallurg" klubi buxgalteri Akmal Sodiqov pochtasi va "Navbahor"ga yuborilgan xat O'FA tomonidan futboldan chetlatilgan Rasul Akramov nomidagi elektron pochtaga jo'natilgan.
Negadir PFL "Bunyodkor" klubiga Superliganing yangi mavsumiga qura tashlash marosimi bo'lishi haqida rasman xat yubormagan.
Eslatib o'tamiz, "Bunyodkor" jamoasi o'tgan mavsum yakunlariga ko'ra Superligada 4-o'rinni qo'lga kiritgan va PFL qo'yayotgan barcha talablarni bajarayotgandi.
Qizig'i, "Bunyodkor" PFLning futbolchi va klub xodimlarining ro'yxatga olish tartibidagi ro'yxatdan ham o'rin olgandi. Biroq negadir Superligaga qura tashlash marosimidagi ro'yxatdan tushib qolgan.
Qayd etish kerakki, anchadan buyon o'z tarkibini kuchaytirayotgan "Surxon" jamoasi yangi mavsumdan etiboran Superligada o'ynashi mumkinligi haqida turli mish-mishlar yurgandi.
"Surxon" jamoasiga tegishli vakillar bilan bog'langanimizda, ular ham hozircha qura tashlash marosimiga rasman taklif etilishmaganini bildirishdi. SHuningdek, jamoaga taklif etilgan futbolchilar aynan shu masalani kutib turishganini malum qilishdi. "Surxon" klubi ayni paytda jamoa kelasi mavsumni aynan qaysi ligada o'tkazishini kutmoqda.
Qiziq, PFL nega "Bunyodkor"ga rasman xat yubormagan? Yoki yodidan chiqib qoldimikan? Har holda ertaga "Bunyodkor" o'rniga Superligaga "Surxon" qatnashmasa kerak. PFL ketma-ket uchinchi bor o'z reglamenti va sport principlarini mensimaydigan tashkilotga aylanib ulgurmagandir?
PFLdan mazkur holat bo'yicha rasmiy izoh kutib qolamiz.
Bosh sahifaga
508