2019 yil "O'zbekiston Liga kubogi" paydo bo'lishi kutilmoqda

"PFL 12ta klub o'ynashini istagandi, O'FA klublar sonini 14taga etkazishga qaror qildi. Bu qarorni O'FA qabul qildi. Jurnalistlar tomonidan PFL tanqid qilinishi normal holat. Tanqid qilishda davom etishsin, bu bizga motivaciya beradi. 2019 yilgi mavsum Superligada jamoalar 13ta uyda, 13ta safarda tizimida o'ynashadi va 26ta tur o'tkazishadi. O'zbekiston Kubogi formati o'zgarmay qoladi.

Bundan tashqari xuddi Angliyada bo'lgani kabi O'zbekistonda ham ikkita kubok bo'ladi. Nasib qilsa O'zbekiston Liga kubogi musobaqasiga asos solmoqchimiz. Uning mukofot puli bo'ladi, nufuzi yaxshi bo'ladi", - deydi Diyor Imomxo'jaev qura tashlash marosimida.