"A Seriyada debyut qilgan paytimda 30 yoshda edim. O'shanda "Inter"ga qarshi o'ynagandik. Bosim? Yo'q, hech qanday bosim bo'lmagan. Ishonasizmi, o'yindan oldin ertalab soat to'rtgacha yangiliklar o'qiganman. O'shanda malika Diana avtohalokatga uchragan edi. Lekin tunni bedor o'tkazishimning sababi u emasdi. SHunchaki shunday hayot tarziga o'rganib qolgandim. Kerak bo'lsa, "Formula-1"ni tonggi oltigacha tomosha qilardim".
"Kam uxlardim va kuniga 3 kilogrammgacha go'sht er edim. Biroq bu hech qachon menga muammo tug'dirmagan. Kiyinish xonasida ham, stadion tunnelida ham, hattoki tanaffus payti ham sigaret chekardim. Haftada bir necha marta grappa (Italiyada uzumdan tayyorlanadigan alkogol ichimlik) ham ichardim. Maydonda qo'limdan kelgancha, bor kuchim bilan harakatlanardim va bu menga etarli edi".
"Biz "Juzeppe Meacca"da maydoniga tushdik. Stadionga to'plangan 85 ming tomoshabinni ko'rib o'zimni yo'qotib qo'yay dedim. Ammo bahs boshlanganida bor etiborimni o'yinga qaratdim va atrofdagilarni shunchaki xayolimdan chiqarib tashladim. Birinchi uchrashuvdanoq gol urishga muvaffaq bo'ldim. Lekin, afsuski, biz mag'lub bo'ldik".
Dario Xyubner A Seriyaning 5ta mavsumida to'p tepdi va 74 ta gol urdi. U 2001/2002 yilgi chempionatda "Pyachenca" tarkibida eng yaxshi to'purar bo'lishga erishdi. Dario o'shanda 35 yoshda edi.
Nozima Zaripova tarjimasi
Bosh sahifaga
503