Unga ko'ra, avval vada qilinganidek 12 jamoali tizimdagi chempionat emas, balki 14 jamoa qatnashuvidagi ikki davrali chempionat guvohiga aylanamiz. O'FA licenziyalash qo'mitasi qarori ko'ra, Pro-liga jamoalari sanalgan "Surxon" va "Dinamo" avtomatik ravishda Superligaga chiqarildi.
Biz esa qura marosimi yakunlangach "Metallurg" bosh murabbiyi Andrey SHipilovning mazkur jarayon va kutilmagan o'zgarish haqidagi fikrlari bilan qiziqdik. So'nggi pallada chempionat formati va ishtirokchilar soni oshib ketgani va bu qay darajada professionallikka xos yoki maktab musobaqalari kabi o'tayotgan turnirga o'xshaydimi, degan savolga "Metallurg" murabbiyi quyidagi javoblarni berdi:
"Bilasizmi, to'g'risini aytsam, men uchun chempionatni 14 jamoa bilan boshlash yangilik bo'lmadi. Bundan hayratda qolmadim. CHempionat startidan oldin Superligada 14 jamoa qatnashishini sezgandim. Hayolimda shunday tasavvur bilan yangi mavsumga tayyorgarlik ko'rgandim. Natijada men o'ylagan narsa ruy berdi. Topdim. "Metallurg" yangi mavsumga tayyor. Qura doimgidek ko'r deyiladi. SHu boisdan kim bilan qachon safarda yoki uyda o'ynashning farqi yo'q. CHempionat avvalidagi dastlabki 5 turda barcha jamoalarning imkoniyati va holati deyarli teng bo'ladi. Kim o'zini biroz bo'lsada yaxshiroq his etsa, taktik va funkcional taraflama puxtaroq yondoshsa, o'sha jamoaga nisbatan osonroq bo'ladi. Dastlabki 5 tur ko'p narsani ko'rsatadi", - deya kechagi qura jarayoni haqidagi fikrlari bilan o'rtoqlashdi Andrey SHipilov.
Bosh sahifaga
264