"Tuppa-tuzuk qura. "Paxtakor" bilan qachon o'ynashni farqi yo'q" - Andrey Fyodorov

"Tuppa-tuzuk qura. "Paxtakor" bilan qachon o'ynashni farqi yo'q. Birinchi turdami yoki oxiridami. Baribir qachondir o'zaro o'ynashga to'g'ri keladi. Unga qadar OCHLda o'yin o'tkazishga ulguramiz. SHu boisdan ham bu borada ortiqcha havotirga hojat yo'q. "Paxtakor"da ham, bizda ham sharoit teng. "Paxtakor"ga qarshi bahsga odatdagdek tayyorgarlik ko'ramiz. Ular bilan ertaroq duch kelib qolganimiz hech qanday muammo taqdim etmaydi.

To'g'ri, raqib hozirga qadar ikkita bahs o'tkazdi. Bu esa bizga raqibni o'yin uslubini o'rganib chiqishimizda ko'mak beradi. Har qanday malumotlardan to'g'ri va unumli foydalanish lozim.

CHempionlik masalasi? Menimcha, bu o'zaro o'yinlarimizda hal bo'ladigan masala emas. Ikkita o'yindagina chempionlik taqdirini hal etishning imkoni yo'q. CHempionlik uchun kurash butun mavsum davom etadi. Yildan-yilga chempionlik masalasini hal etish qiyinlashib bormoqda. Qo'shimchasiga, chempionlikka erishishdan ko'ra uni saqlab qolish murakkab.

Ruhiy tayyorgarlik? Menimcha, ruhiy taraflama jamoamiz tayyor. CHempionat startidagi har qanday natija jamoaning butun mavsum davomidagi kayfiyati va tayyorgarligiga tasir qila olmaydi. "Lokomotiv" ruhiy taraflama kerakli ozuqaga ega.

Jamoaning yangi mavsumdagi falsafa va o'yin uslubi haqida hozir gapirishni istamayman. Mavsum davomida stadionga kelganlar "Loko"ning uslubi va falsafasi bilan yaqindan tanishishlari mumkin", - deya o'z fikrlari bildirdi Andrey Fyodorov.