"Oddiy misol, men 100 kundan buyon OTJ yig'inidagi Suhrob Nurulloevni ko'rganim yo'q. Bu yil hisobida Nurulloev jamoamizning birorta mashg'ulotida ishtirok etgani yo'q. SHuni aytishim mumkinki, men reglament bo'yicha 1997 yildan keyin tug'ilgan futbolchini maydonga tushirishim kerak. Xo'p. Lekin men OTJga nomzod futbolchilarimni 100 kundan buyon umuman ko'rganim yo'q. Demak o'sha futbolchi hozirgi kunda "Metallurg"da asosiy tarkibdagi joyga loyiq emas. Uning o'rniga 1999-2000 yoki 2001 yilda tug'ilgan boshqa yosh futbolchiga imkoniyat beraman. Bu gapim barcha OTJga nomzod futbolchilarga tegishli. CHunki istalgan futbolchi asosiy tarkibdagi o'rnini o'z mehnati va peshona terisi bilan ishlashi kerak. Qachonki ular klubga kelsa va jamoada o'z o'rni borligini isbotlasa, keyin ularga imkoniyat beraman. Qaytaraman, 100 kundan buyon o'z futbolchimni ko'rganim yo'q. Klub esa unga 3 oydan buyon shunchaki maosh to'lab kelmoqda. Qaytaraman, OTJga nomzod futbolchilarni asosiy tarkibga qo'ymayman! Qachonki ular kelib shu o'ringa munosib va loyiqligini isbotlashsagina imkoniyat beraman. Bu barchaga tegishli. Undan ko'ra jamoa bilan birga shug'ullanib yurgan yanada yoshroq futbolchilarga imkon beraman", - dedi Andrey SHipilov.
O'FA & PFL yoxud ko'pchilikda savol uyg'otayotgan reglamentdagi band haqida
Eslatma: PFLning yangi Superliga-2019 uchun chiqargan reglamentida shunday band kiritilgan:
• Superliga klublari o'yin qaydnomasiga 1997 yil va undan keyin tug'ilgan kamida ikki nafar o'yinchini kiritishi va ulardan birini minimum 45 daqiqa o'ynatishi shart. Mazkur futbolchi jarohat olgan holatda hali 45 daqiqa o'ynab ulgurmagan bo'lsa, uning o'rniga ikkinchi yosh futbolchi chiqarilishi lozim. Barcha yosh futbolchilar almashtirilgan bo'lsa, yosh futbolchini yoshi katta futbolchi bilan almashtirishga ruxsat beriladi;
Mazkur holatni esa PFL rasmiy sayti quyidagicha izohlagandi:
"O'zbekiston olimpiya terma jamoasiga Lyubinko Drulovich murabbiy etib tayinlangach, PFL vakillari mazkur mutaxassis bilan uchrashish taklifini bildirgandi. Uchrashuv bugun — 25 yanvar kuni bo'lib o'tdi".
Xabarda aytilishicha, PFL vakillarining o'zlari Drulovich bilan uchrashishni istab qolishgan va yakunda bir stol atrofida jamlanishgan.
"Uchrashuvdan maqsad Tokio-2020 yo'llanmasini qo'lga kiritish vazifa qilib qo'yilgan murabbiyning 2019 yilgi mavsum uchun tuzib chiqilayotgan reglament yuzasidan munosabatini bilish edi. Boisi, bungacha O'FA rahbariyati 1997 va undan keyin tavallud topgan futbolchining Superliga klublarida 90 daqiqa to'p surishi masalasini ilgari surayotgan bo'lsa, PFL bu taklifga qarshi ovoz bilan chiqayotgandi" - deyiladi xabarda.
O'FAning terma jamoalar bo'limiga ko'ra, bu holat olimpiya terma jamoasiga nomzod futbolchilarning o'yin amaliyotiga ega bo'lishida muhim rol o'ynaydi. PFL esa bu holat futbolchilarning o'z ustida ishlashidan to'xtashi mumkinligi, ehtimoliy jarohat olgan futbolchining o'rniga kim tushishi masalasini murakkablashtirishi kabi masalalarni ko'tarayotgandi.
Bosh sahifaga
624