O'zbekiston Futbol associaciyasi tashabbusi bilan o'tkazib kelinayotgan mazkur ananaviy festival yuqori saviyada tashkil etildi.
Festival “Neftchi” futbol akademiyasi suniy qoplamali futbol maydonlarida o'tkazildi. Festivalda ishtirok etgan viloyatimizning shahar va tumanlaridan kelgan 200 nafar 3-4 sinf o'quvchi yoshlariga 16 nafar malakali murabbiylar mini futbol mashg'ulotlaridan saboq berdilar. Mashg'ulotlar o'tish bilan birga bolalar mini futbol bo'yicha blic turnirda ham ishtirok etdilar. Festivalda ishtirok etgan 200 nafar bolalarning barchasiga O'zbekiston Futbol associaciyasi tomonidan ajratilgan futbol to'plari, futbol kiyimi va sertifikatlar tantanali tarzda topshirildi.
Festivalning tashkil etishda viloyat futbol associaciyasi, viloyat bolalar va o'smirlar futbol akademiyasi, viloyat “Yoshlik” jismoniy tarbiya va sport jamiyati, viloyat jismoniy tarbiya va sport boshqarmasi, “Neftchi” futbol maktabi xodimlari faol ishtirok etdilar.
SHuningdek festival davomida murabbiylar tomonidan selekciya ishlari ham olib borildi. 33 nafar iqtidorli bolalar sport maktablari murabbiylari tomonidan futbol guruhlariga taklif etildilar.
Bosh sahifaga
1351