“Uotford” ettinchi o'rinda
Xavi Garsiya bu mavsumda uning oldingi hamkasblari amalga oshira olmagan ishni uddalamoqda. Jamoa mavsumning ikkinchi pallasida ham motivatsiyani saqlab qolmoqda. Ular “Kardiff Siti” maydonida beshta gol urib nimalarga qodir ekanliklarini ko'rsatib qo'yishdi.
“Arilar”ga Jerar Delofeu (het trik) va Troy Dini (dubl) ning ajoyib o'yini va qaysidir manoda omad ham yordam berdi. CHunki hakam berilishi kerak bo'lgan yaqqol penaltini “Uotford” jamoasi darvozasi tomon belgilamadi. Qayd etish joizki, mazkur g'alaba Xavi Garsiya shogirdlari uchun 80-yillardan beri elitadagi birinchi yirik g'alabadir. Jamoa o'rtamiyonalar ichida eng zo'ri nomiga eng asosiy davogardir. Bundan tashqari “Uotford” hali Angliya kubogida ham kurashni davom ettirmoqda va bu esa mavsumni ajoyib tarzda yakunlash uchun ajoyib imkoniyat.
“Fulxem”ning tushib ketishi muqarrar ko'rinmoqda
Jamoaga murabbiy sifatida tayinlanganidan so'ng Klaudio Raneri yaxshi himoyalanadigan jamoa tuzishga umid qildi, lekin ko'rinishidan bu safar unda bunisi o'xshamadi chog'i. Ko'rinishidan chempionat autsayderlari himoyalanishni yaxshi eplay olishmayapti. Endi esa Raneri jamoasining hujumkorlikdagi ustunligidan raqiblarini quvib o'tishda foydalanish haqida o'ylashga majbur.
Bu juma kuni amalga oshishi mumkin edi. “Fulxem” hardoyim ham etarli motivatsiyaga ega bo'la olmayotgan “Vest Xem” maydonida o'ynadi. Bolg'achilar o'yinni yana yomon boshlashdi va “Fulxem” bu ustunlikni birinchi taym yarmigacha olib bora oldi xolos. Muvozanatni esa CHicharito o'zining qo'li bilan urgan goli bilan tenglashtirdi. Ushbu vaziyata noqulay poziciyada turgan hakam vaziyatga to'g'ri baho bera olmadi. Lekin CHicharito bu golni nishonlamadi. SHundan keyin “Vest Xem” o'yinni g'alabagacha olib bordi va “Fulxem”ni chempionship tomon qadam tashlashga majbur qildi.
“Tottenxem” chempionlik poygasidan chiqib ketmoqda
Maurisio Pochettino kamdan kam holatda asablarini jilovlay olmaydi, balki shuning uchundir uning uchrashuv hakami Mayk Dinga hamlasi kutilmagan hol bo'ldi. Albatta uning jahl otiga minishiga etarli sabablar bor edi. “Byornli” ning birinchi goli noto'g'ri belgilangan burchak to'pidan keyin yuzaga keldi. Lekin Pochettinoning jahl otiga minishiga bundan ham asosiy sabab shuki, mazkur mag'lubiyat balkim “Tottenxem”ni tituldan mahrum qilgan bo'lishi ham mumkin.
Pochettinoning fikricha uning jamoasi agar chempionlikka erishmoqchi bo'lsa bunday bahslarni, albatta, yutishi kerak. Lekin aslida “shporlar”dan hozirgi holatda bundan ortig'ini kutib bo'lmaydi. Gap shundaki, shanba kuni ular mag'lubiyatsiz seriya qayd etayotgan jamoaga qarshi mayonga tushishdi. Tom Xiton dekabrning oxirida yana asosiy tarkibga qaytganidan so'ng, “Byornli” sakkizta bahsdan beri mag'lubiyat nimaligini bilmay kelmoqda. SHon Daych jamoasi nihoyat muammolardan chiqib ketdi va o'tgan yilgi o'yinini namoyish qilmoqda. SHunday o'yin bilan Terf Murdagilar bemalol kuchli o'nlikda mavsumni tugatishni maqsad qilishlari mumkin.
Zivert oldingidek ochkolarsiz odimlamoqda
Angliyaliklar “Xaddersfild”ning yangi murabbiyining ismini bilishmas edilar. Endi esa bunga hojat ham yo'q. Afsuski, Yan Zivert ham olingi murabbiy Devid Vagner qilgan ishni og'ishmay davom ettirmoqda. Klub deyarli chempionshipda. Uning qo'l ostida jamoa mana to'rtinchi o'yindirki, mag'lubiyatga uchramoqda.
“Arsenal” bilan o'yinda klub yomon futbol o'ynamagan edi, lekin “Nyukasl” bilan o'yinda ularda biror narsa amalga oshirish uchun hatto imkoniyat ham bo'lmadi. Tommi Smitning tezkor chetlatilishi o'zi shundoq ham kuchsiz bo'lgan jamoani imkoniyatsiz qoldirdi va shundan so'ng Rafa Benites boshchiligidagi “Nyukasl”da raqibni nafaqat xotirjam o'ynagan holda yutish, balki yirik hisobda mag'lubiyatga uchratish imkoniyati ham vujuga keldi. Ustiga ustak “Nyukasl”dagi yangi o'yinchi Migel Almironning o'yini o'sha kuni to'xtatib bo'lmasdek ko'rindi. Rafa bunday raqiblarga qarshi “qarg'alar” tarixidagi eng qimmat o'yinchiga aylangan Almironning asosiy tarkida tushishi kerakligini olinda sezdi. Bunday “Xaddersfild”ga qarshi har qanday o'yinchi o'ziga ishonchni sezadi. “Xaddersfild” esa eni bemalol Yan Zivert bilan birgalikda chempionshipdagi yangi mavsum uchun tayyrogarlikni boshlab yuborishi mumkin.
“Lester” Klod Pyuelga chiqish eshiklarini ko'rsatdi
SHanba kuni Roy Xojson primer-liga tarixidagi eng yoshi katta murabboyga aylandi va bu bayramni u jamoasning 1:4 hisobidagi g'alabasi bilan yuvdi. Takilash lozimki, bu g'alaba “Kristal Pelas” uchun primer-liga tarixidagi eng yirik g'alaba sifatida tarixda qoldi. Ularning bu g'alabasi yana shunisi bilan esda qolarli bo'ldiki, mazkur natijadan so'ng “Lester Siti” bosh murabbiyi istefoga ravona bo'ldi.
Albatta, Pyuellning istefosi olindan malum edi. Qanchalik g'alati eshitilmasin, murabbiy kuzdagi tragedik voqelars sabab istefoga chiqishi aniq edi. Lekin u natijalar Pyuellning istefosiga aynan o'sha natijalarni sabab qilib ko'rsatib bo'lmaydi, ammo olti o'yinan iborat g'alabasiz seriya shunchaki rahbariyatga bu qarorni qabul qilihiga turtki bo'ldi. Oldinroq “Sautgempton” da bo'lgani kabi Klod rahbariyat va muxlislarni o'yin strategiyasi jihatidan qanoatlantira olmadi. Ularning fikricha jamoa ruhiyatiga mos kelmaydigan o'yin uslubi va rotaciyaga o'ta moyillik tez-tez savollarni keltirib chiqardi. “Lester” hali o'ziga yangi murabbiy topmadi. Lekin jamoa muxlislari shunga aminlarki, ularning jamoasida Klod Pyuell istefosidan yarim yil o'tmasdan kuzatilgan “Sautgempton”dagi afsuslanish ularning jamoasida yuz bermaydi.
“Arsenal” to'rtinchi o'rinda
“CHelsi”ning Angliya Liga kubogidagi dramatik mag'lubiyati va “Liverpul” va “Manchester Yunayted” ning nursiz durrangi fonida ko'z ilg'amas tarzda kechgan bo'lsa ham “Arsenal” to'rtinchi o'ringa chiqib oldi. To'g'ri “to'pchilar” “CHelsi”ga qaraganda bitta ko'p o'yin o'tkazishdi, lekin “ko'klar mazkur o'yinni yutsalar ham ular faqatgina ochkolarni tenglashtira oladilar xolos.
O'yin boshida “avliyolar” “to'pchilarga” ikkita imkoniyat berishdi va shu bilan tanaffusgachayoq o'yin g'olibi masalasi kun tartibidan olib tashlandi. “Arsenal” yirik hisobda g'alaba qozonishi ham mumkin edi, biroq qo'lga kiritilgan uch ochko va quruq o'yin ham ularga suv va havodek zarur edi. “Sautgempton” esa o'z navbatida xavfli zonada qolib ketmoqda va jamoa fanatlari yana tashvishga tushishmoqda. Jamoa so'nggi to'rt o'yinda ikki ochko ishladi xolos. Ko'rinishidan yangi murabbiy Ralf Xazenxyuttl uchun asal oyi tugaganga o'xshaydi.
“Yunayted” va “Liverpul” hafsalani pir qilishdi
Turning markaziy bahsi bizga hech qanday dramatik voqealar va hayajonli lahzalarni taqdim qilmadi. Old Traffordda har ikki jamoa ham o'yin oxiriga qadar uch ochkoga ega bo'lish uchun to'p surganliklariga qaramay, hech bir klub sifatli o'yin va xarakter ko'rsata olmadi. “Qizil iblislar” birinchi taymning o'zidayoq uch o'zgarish qilishga majbur bo'lishdi, lekin bu o'zgarishlar jamoaning o'yin uchun taktikasi o'zgarishiga olib kelmadi. “Liverpul” bazi xavfli urinishlariga qaramay Sulsher shogirdlari o'yinni qarshi hujum asosida olib borishdi. "Liverpul" ham bu o'yinda o'zining o'yinini ko'rsata olmadi. Yurgen Klopp jamoasi birinchi taymda hisobda oldinga chiqib olishlari mumkin edi, lekin hujumlarni yakunlashdagi aniqlik etishmasligi ularni o'yin boshidan to oxirigacha taqib etdi. Lekin chempionat liderlari yaqqol golga tortaigan vaziyat yarata olishmadi va chindan ham o'yin durangga mos edi.
BONUS. Angliya primer-ligasida O'zbekiston reklama qilindi
Ha, albatta, bu holat hammamiz uchun ajoyib va kutilmagan yangilik bo'ldi. “Uzreport TV” telekanali Terf Murdagi “Byornli” va “Tottenxem” bahsini namoyish qilayotgan paytda muxslislar “Hayot O'zbekistonga bormaslik uchun juda qisqa”degan yozuvlar va Buxoro shahri manzarasini maydon chetidagi tabloidlarda ko'rib qolishdi. O'yindan keyin barcha tafsilotlar malum bo'ldiki, bu “O'zbekturizm” agentligining Primer-liga rahbariyati bilan kelishuvi asosidagi reklama ekan.
Aytishlaricha, mazkur reklamani tekinga ko'rsatishni ”O'zbekturizm” valkillari kelisha olishibdi. Nima ham derdik. Ajoyib kelishuv. O'yin paytida va o'yindan keyin ko'plab tvitter foydalanuvchilari bu reklamalarga etibor qaratishganligini yozishibdi. Bazilar esa hattoki O'zbekistonga borish uchun chipta buyurtma berishganini ham yozib qoldirishgan.
Mamurjon Ibragimov tarjimasi
Bosh sahifaga
1777