Lekin umid hali so'ngani yo'q. Evropa chempionlar ligasi tarixidagi bir qator uchrashuvlarda ilk o'yinda ikki yoki undan ko'p gol farqiga yutqazgan jamoalar ham javob bahsida "kambek"ni amalga oshirgan va keyingi bosqichga yo'l olgan paytlar kuzatilgan.
ECHL pley-off tarixidagi "kambek" sodir etilgan to'qnashuvlarni eslaymiz.
Malumot uchun: ECHL tarixidagi 11 to'qnashuvda birinchi bellashuvda 2 yoki undan ko'p gol farqiga yutqazgan jamoalar javob bahsida "kambek"ni amalga oshirgan.
Eng dahshatli va shov-shuvli "kambek" "Barselona" tomonidan sodir etilgan. Kataloniyaliklar ECHL tarixidagi eng murakkab ishni amalga oshirgan jamoa sifatida tarixga kirgan. "Barselona" dastlabki o'yinda 4:0 hisobida mag'lubiyatga uchragan holda javob bellashuvida to'rtta to'p farqini yo'qqa chiqarishni uddalagan yagona klub.
SHuningdek, "Deportivo" va "Roma" dastlabki bahsda 3ta to'p farqiga yutqaza turib javob o'yinida vaziyatni o'z tomoniga og'dirgan. O'shanda "Deportivo" "Milan" to'sig'idan o'tgan bo'lsa, "Roma" o'tgan yili "Barselona"ni shov-shuvli tarzda taslim etgan.
Qayd etish kerakki, o'shanda javob bahsidan oldin hech kim "Deportivo" yoki "Roma" birinchi o'yindagi farqni yo'q qilishi va kamiga ularning raqiblar statusidan kelib chiqib "Deportivo" yoki "Roma"ga ishonmagan.
"Barselona" (2), "CHelsi" (2), "Monako", "Manchester Yunayted", "Bavariya" va "Real" jamoalari ham birinchi bahsda 2ta to'p farqiga yutqazib, javob o'yinida irodali g'alabalarni qo'lga kiritishgan.
Quyida ECHL tarixidagi "kambek" qayd etilgan uchrashuvlar ro'yxatini taqdim etamiz:
(4ta to'p farqi)
2016/17, 1/8 final
"Pari Sen-Jermen" - "Barselona" 4:0
Gollar: Di Mariya (18, 55), Draksler (40), Kavani (72)
"Barselona" - "Pari Sen-Jermen" 6:1
Gollar: Suares (3), Kurzava (40 avtogol), Messi (penalti), Neymar (88, 90), Serxi Roberto (90+5) - Kavani (62)
(3ta to'p farqi)
2017/18, 1/4 final
"Barselona" - "Roma" 4:1
Gollar: Pandiani (5), Valeron (35), Luke (44), Fran (76)
"Roma" - "Barselona" 3:0
Gollar: Jeko (6), De Rossi (58 penalti), Manolas (82)
2003/04, 1/4 final
"Milan" - "Deportivo" 4:1
Gollar: Kaka (45, 49), SHevchenko (46), Pirlo (53) - Pandiani (11)
"Deportivo" - "Milan" 4:0
Gollar: Pandiani (5), Valeron (35), Luke (44), Fran (76)
(2ta to'p farqi)
1999/00, 1/4 final
"CHelsi" - "Barselona" 3:1
Gollar: Zola (30), Ture-Andrey Flo (34, 38) - Luish Figu (64)
"Barselona" - "CHelsi" 5:1 (qo'shimcha taym)
Gollar: Rivaldo (24, 99-penalti), Figu (45), Daniel Garsiya (83), Patrik Klyuyvert (104) - Ture-Andre Flo (60)
2003/04, 1/4 final
"Real" - "Monako" 4:2
Gollar: Elgera (51), Zidan (70), Figu (77), Ronaldo (81) - Skilachchi (43), Morentes (83)
"Monako" - "Real" 3:1
Gollar: Jyuli (45, 66), Morentes (48) - Raul (36)
2011/12, 1/8 final
"Napoli" - "CHelsi" 3:1
Gollar: Lavecci (39, 65), Kavani (45) - Mata (27)
"CHelsi" - "Napoli" 4:1 (qo'shimcha taym)
Gollar: Drogba (29), Terri (47), Lempard (75 penalti), Ivanovich (105) - Inler (55)
2012/13, 1/8 final
"Milan" - "Barselona" 2:0
Gollar: Kevin-Princ Boateng (57), Muntari (81)
"Barselona" - "Milan" 4:0
Gollar: Messi (5, 40), Vilya (55), Alba (90)
2013/14, 1/8 final
"Olimpiakos" - "Manchester Yunayted" 2:0
Gollar: Dominges (38), Kempbell (55)
"Manchester Yunayted" - "Olimpiakos" 3:0
Gollar: Robin van Persi (25, 45, 52)
2013/14, 1/4 final
"PSJ" - "CHelsi" 3:1
Gollar: Lavecci (4), David Luiz (avtogol), Pastore (90) - Azar (27 penalti)
"CHelsi" - "PSJ" 2:0
Gollar: Andre SHyurlle (32), Demba Ba (87)
2014/15, 1/4 final
"Portu" - "Bavariya" 3:1
Gollar: Kuarejma (3, 10), Martines (65) - Alkantara (28)
"Bavariya" - "Portu" 6:1
Gollar: Alkantara (14), Boateng (22), Levandovski (27, 40), Myuller (36), Xabi Alonso (88) - Martines (73)
2015/16, 1/4 final
"Volfsburg" - "Real" 2:0
Gollar: Rodriges (18 penalti), Arnold (25)
"Real" - "Volfsburg" 3:0
Gollar: Ronaldu (15, 17, 77)
Qayd etish kerakki, nimchorak final bahsining dastlabki bellashuvida 2 yoki undan ko'p to'p farqiga yutqazgan jamoalar ichidan faqatgina "Manchester Yunayted" 2013/14 yilgi mavsumda "kambek"ni amalga oshirishni uddalagan. "Yuventus" yoki "Borussiya" Dortmund esa hozircha ECHLda bu ishni amalga oshirolmagan. O'tgan yilgi mavsumda "Yuventus" Madriddagi "Santyago Bernabeu"da "Real" ustidan irodali g'alaba qozonishiga bir bahya qolgandi. Ammo bahsning oxirgi daqiqalarida belgilangan penalti "Yuventus"ga qimmatga tushgandi.
Mushtariylarga savol: Evropa CHempionlar ligasining nimchorak final doirasidagi "Borussiya" Dortmund - "Tottenxem" (0:3), PSJ - "Manchester Yunayted" (2:0), "Yuventus" - "Atletiko" (0:2) to'qnashuvlarining qaysi birida "kambek" amalga oshirilishi mumkin? Birinchi bahsda mag'lubiyatga uchragan qaysi jamoada javob bahsida keyingi bosqichga chiqish imkoniyati yuqoriroq deb hisoblaysiz?
O'z fikr va mulohazalaringizni izohlarda qoldirishingiz mumkin.
Bosh sahifaga
219
