Evropa ligasining finali uchun chiptalar mart oyida sotuvga chiqariladi

Malum bo'lishicha, chiptalar mart oyining 7 sanasidan 21 sanasigacha bo'lgan muddatda faqat tashkilotning rasmiy sayti orqali sotiladi.

Hal qiluvchi bahs uchun jami 64 ming dona chipta chiqarilishi rejalashtirilgan. CHiptalarning 37 mingtasi turli davlatlardagi neytral tomoshabinlar uchun mo'ljallangan. Finalga chiqqan jamoalarning muxlislariga ajratiladigan chiptalarning soni esa keyinroq malum bo'ladi.

Agar chiptalarga bo'lgan talab kutilganidan ko'proq bo'lsa, unda UEFA yutuqli o'yinlar ko'rinishida uni muxlislarga taqdim qiladi. Lotoreyalar uchun ariza qabul qilish muddati esa cheklanmagan.

Eslatib o'tamiz, Evropa ligasing final uchrashuvi bo'lib o'tadigan Bokudagi “Olimpiyskiy” stadioni o'z bag'riga 70 mingga yaqin tomoshabinni sig'dira oladi.