"Bugun 1:3 hisobida imkoniyatni boy bergan bo'lsak-da, u qadar yomon o'ynamadik, deb o'ylayman. O'yinning ilk daqiqalaridan gol o'tkazib yuborgan bo'lsak-da, birinchi bo'limda bir qator imkoniyatlarga ega bo'ldik. Masalan, Rasul Yo'ldoshev va Jasur Hasanovda vaziyatlar bo'ldi. Lekin ulardan unumli foydalana olmadik. Raqib esa xavfli vaziyatlarni samarali yakunlay oldi va yakunda g'alabaga erishdi. Ushbu g'alaba bilan “Qizilqum” jamoasini tabriklayman", - deydi Mirjalol Qosimov.
- Raqib ikkala golni ham qanotdan urdi. Bu tasodifga o'xshamayapti...
- Birinchi gol urilganida menga o'yindan tashqari holatdek tuyuldi. Ikkinchi golda ham yo'q joydan qoida buzdik va jarima to'pidan gol o'tkazdik. "Qizilqum" bugun ikkinchi raqam ostida o'ynab ham, qarshi hujumlardan unumli foydalandi.
- Bugun Elguja Grigalashvili va Medina Smit yaxshi o'ynashdi. Smit debyut qildi. Ular haqida bilarmidigiz?
- Albatta Elguja o'tgan yil Superligada o'ynagan. Smitning esa nazorat uchrashuvlardagi harakatlarini ko'rib chiqqanman. Tezkor o'yinchi ekanligini, to'p bilan yaxshi muomala qilishini bilardik. Ular bugun katta hajmdagi ishni bajarishdi.
Bosh sahifaga
802