Zohir Qo'ziboev: "Loko"ni qarshi hujumda "qarmoqqa" tushirmoqchi edik..."

"Lokomotiv" chempionatimizning haqiqiy etakchi jamoasi. SHu boisdan uchrashuv biz uchun ikki hissa og'ir o'tdi. Bugungi o'yinga himoyaviy taktika asosida maydonga tushgandik va raqibni qarshi hujumda "qarmoqqa" tushirmoqchi bo'lgandik. Biroq ushbu rejamiz amalga oshmay qoldi. Lekin shunga qaramay, maydondagi harakat bo'yicha "Loko"dek jamoaga ochiqchasiga yutqazmadik. Murabbiy meni zaxiradan maydonga tushirayotganida bergan ko'rsatmalarini deyarli 50%ni bajardim deb o'ylayman. Kimni maydonga tushirishni murabbiy hal qiladi. Diskvalifikaciya tufayli uchta o'yinni o'tkazib yuborgandim. Unga qadar hujumda SHahboz Erkinov harakat qilgandi. Zaxirada qolib ketayotganimga kelsak, ayni paytda Erkinoy o'yinga ko'proq tayyorligi bois murabbiylar SHahbozga ishonishmoqda. Raqobat borligi yaxshi. CHunki raqobat bor joyda o'sish kuzatiladi. Keyingi o'yinlarda o'zimni ko'rsatib, asosiy tarkibda maydonga tushishga harakat qilaman. Har bir futbolchi o'z oldiga yuqori vazifa qo'yadi. Ushbu mavsumda ham o'zimni yaxshi taraflama ko'rsatib, grand jamoalar nazariga tushishni maqsad qilganman. "Nasaf"? Ushbu mavzu men uchun ham hozirgacha ochiqligicha qolmoqda. Bu voqea ikkata klub o'rtasidagi gap. Men ham hozirgacha nimaga bunday bo'lganini tushunmay kelyapman", - dedi Zohir Qo'ziboev.