Umid Xonimqulov: “Penalti belgilangan vaziyatda to'p jamoadoshimning qo'liga tekkan edi”

Ushbu turda Toshkentning "Paxtakor" klubi o'z uyida Navoiyning "Qizilqum" jamoasini qabul qildi va 3:1 hisobida g'alaba qozondi. Ushbu bahsdan so'ng "Qizilqum" klubi darvozaboni Umid Xonimqulov o'z fikrlarini bildirdi.

“Avvalam bor barchasi mavsum boshlangani bilan tabriklayman. “Paxtakor”ga qarshi uchrashuvda biroz omadimiz kelmadi. Ushbu bahsga tayyyor edik. Lekin o'zimizning kichik xatolarimiz tufayli darvozamizdan uch ta gol o'tkazib yubordik. Mag'lubiyatga butun jamoa aybdor. Penalti belgilangan vaziyatda to'p jamoadoshimning qo'liga tekkan edi. Lekin ushbu vaziyat jarima maydonchamiz ichidami sobir bo'ldimi yoki yo'q, bilmayman. Biz ikkinchi bo'limda yaxshi o'yin ko'rsata olmadik. “Paxtakor” esa bizga qaraganda ancha mazmunli o'yin ko'rsatdi. Raqiblarimizni g'alaba bilan tabriklayman. Birinchi turda ochko yo'qotish keyingi turlarda o'z tasirini ko'rsatadi. Xatolarimizdan xulosa chiqargan holda keyingi o'yinlarga tayyorgarlik ko'ramiz”, - deydi “Qizilqum” klubi darvozaboni Umid Xonimqulov.

Jahongir Sotvoldiev suhbatlashdi.