Alisher Mahmudov: "Bizni “Lokomotiv”ga qarshi yana bir qiyin uchrashuv kutib turibdi”
/ Kiritdi: BestMaster O'qilgan: 925
Kuni kecha O'zbekiston chempionati 1-tur uchrashuvlariga start berildi.
Ushbu turda Toshkentning “Bunyodkor” klubi o'z uyida Jizzaxning “So'g'diyona” jamoasini qabul qildi va 1:0 hisobida mag'lubiyatga uchratdi. Ushbu bahsdan so'ng “So'g'diyona” klubi futbolchisi Alisher Mahmudov o'z fikrlari bilan o'rtoqlashdi.
“Bunyodkor” jamoasiga qarshi uchrashuv biz uchun yomon o'tmadi, nazarimda. “Qaldirg'ochlar”ga qarshi himoyaviy o'yin taktikasida harakat qildik. Vaqti-vaqti bilan qarshi hujumga ham o'tib turdik.
Afsuski shu kuni “Bunyodkor” darvozasini ishg'ol qilish qo'limizdan kelmadi. Yaratilgan imkoniyatlardan iloji boricha foydalanishga urindik, biroq bizga omad kulib boqmadi. Darvozamizga gol bo'lgan vaziyatda Hamdamovning zarbasi o'zi o'ylaganidek chiqdi. Bu ham omad bilan bog'liq.
Endi bizni “Lokomotiv”ga qarshi yana bir qiyin uchrashuv kutib turibdi”, - deydi “So'g'diyona” klubi futbolchisi Alisher Mahmudov.
Jahongir Sotvoldiev suhbatlashdi.
Bosh sahifaga
195