Bugun Toshkent viloyati CHirchiq shahridagi “Kimyogar” stadionida yangi mavsumga hozirlik ko'rayotgan Bekobodning "Metallurg" jamoasi futbolchilari jismoniy tayyorgarlik bo'yicha sinovlardan o'tishmoqda.
Test sinovlarini professor SHamil Iseev etakchiligidagi O'zbekiston Futbol Federaciyasining Texnik rivojlantirish boshqarmasi ilmiy-metodik guruhi mutaxassislari olib borishayapti. Futbolchilar 30 metrga yugurish, turgan joyidan uzunlikka sakrash, 7x50 metrga yugurish hamda “yo-yo” testi bo'yicha nazoratdan o'tishyapti.
“Metallurg” PFK rejaga binoan 30 dekabrga qadar Toshkent viloyatida o'quv mashg'ulot yig'inini davom ettirishadi. O'sha kuni poytaxtda O'zbekiston U-23 terma jamoasiga qarshi nazorat uchrashuvi o'tkazilishi ham rejalashtirilgan.
Yig'inda o'tgan mavsum klub sharafini himoya etgan futbolchilarning deyarli barchasi mashg'ulotlarni davom ettirishmoqda. SHuningdek, 2017 yilgi mavsumning ikkinchi yarmini “Qo'qon 1912” jamoasida ijara asosida o'tkazgan Doniyor Hasanov, “Dinamo”ga qarshi uchrashuvda jiddiy jarohatlanib, davolanishni Moskvada o'tkazib qaytgan Javohir Esonqulovlar ham qatnashayotganligini aytib o'tish lozim. Ulardan tashqari yoshlar tarkibida jalb etilgan bir qator istedodli o'yinchilar hamda yangi kelgan futbolchilar ham bor.
Bosh sahifaga
653