Bu faoliyatning yakuni emas, biroq ispaniyalik futbolchi top-klublarda boshqa o'ynamaydi. Biz El-Nichoning faoliyatidagi eng muhim pallalarni eslaymiz.
BIRINCHI GOL
Fernando o'zining professional faoliyatidagi ilk golini 2001 yili "Albasete" darvozasiga kiritgandi. Torres - "Atletiko" tarbiyalanuvchisi, bobosidan meros qolgan sevimli jamoa. 17 yoshli futbolchi ikkinchi uchrashuvida debyut golini urgandi. O'shanda u havodan oshirilgan to'pni darvozaga kiritgan.
Torres 19 yoshdaligidayoq klubning eng yosh jamoa sardori bo'lgan. Uning faqatgina gollari emas, ishonchli o'yinlari orqali muxlislar yoqimtoyi bo'lib olgandi. U "Real" va boshqa yana bir necha grand jamoalarning etiboriga tushdi, biroq Torres 2007 yilda "Liverpul" tarkibiga borib qo'shildi. Fernando "Atletiko" tarkibida 214 uchrashuv o'tkazdi va 82 gol kiritdi. Oradan 10 yil o'tib, yana qadrdon jamoasiga qaytdi.
81 GOL, 0 SOVRIN
"Liverpul"da u eng yaxshi davrlarini o'tkazgan bo'lsa-da, hech qanday sovrin yutmadi. 2008/09 yilda u jamoasini chempionlik sari etaklagandi, biroq afsonaviy Ser Aleksning "Manchester Yunayted"ini to'xtatishning iloji bo'lmadi. Ammo, u o'sha mavsumda "Old Trafford"dagi 1:4 hisobidagi g'alabada katta hissa qo'shdi. Dastlab, "Liverpul" Ronalduning ijro etgan penaltidan keyin gol o'tkazib yuborgandi. Keyinchalik El-Nicho Nemanya Vidichning qo'pol xatosidan unumli foydalanib, yirik hisobdagi g'alabaning ilk tamal toshini qo'ygandi.
Torres uzoq vaqt davomida bir rekordni o'zida ushlab turdi - ilk mavsumidayoq xorijlik futbolchi sifatida APLda 24 gol kiritdi. Uni Liverpulda yaxshi ko'rishardi, biroq u sovrinlar yutishni istardi. SHu boisdan u "CHelsi"ga o'tdi va ECHL g'olibligini qo'lga kiritdi.
"BARSELONA"GA URILGAN GOL VA IKKI EVROKUBOK
Torres "CHelsi"da yomon o'ynamagan, biroq "Liverpul"dagi o'yinlari bilan solishtiradigan bo'lsak, u Londondagi ishlari yaxshi bo'lmagan. Samaradorlik borasida unga omad kelmadi. U yangi jamoasidagi birinchi mavsumidagi 14 uchrashuvda 1 gol urdi, ikkinchi mavsumda 32 uchrashuvda 6 gol. Uning natijalari pasayib ketdi, bunga sabab nima?
"CHelsi" qiyin davrlarini o'tkazdi, jamoada tez-tez murabbiylar almashdi, shuningdek, klub etakchilari ham taslim bo'lishni boshlashdi, avlodlar almashdi.
Yakunda "CHelsi" APL g'olibligi uchun kurasha olmaydigan jamoa bo'lib qoldi, biroq evrokubokda mo'jiza yuz berdi. 2012 yilda jamoaning qayd etgan eng katta natijasi - Gvardiolaning "Barselona"si ECHLdan chiqarib yuborilgani bo'ldi. Torres o'sha uchrashuvda maydon markazidan to'pni olib ketdi va Viktor Valdes darvozasini ishg'ol qildi. Oqibatda "CHelsi" finalga chiqdi.
Bir yildan keyin Torres Evropa ligasi finalida ham o'ynadi, unda u himoyachi va darvozabonni ortda qoldirib, yana bir muhim golni kiritgandi.
Mana, kam gol urgan bo'lsa-da, muhimlarini kiritdi. Uning Londondagi faoliyati yaxshi bo'lishi mumkin edi, biroq unga omad etishmadi.
EVRO FINALIDAGI GOL
Torres va Ispaniya termasi - boshqa hikoya. Torres - "qizil furiya"lar tarkibida 100tadan oshiq uchrashuvda qatnashgan kam sonli futbolchilardan biri. Ispaniya 1964 yildan buyon birorta turnirda sovrin qo'lga kirita olmadi. Torres esa terma uchun tarixiy ahamiyat kasb etgan uchrashuvda raqib darvozasini ishg'ol etdi. Ikki himoyachi taqibidan qochib keta olgan Torres darvozabon Lemandan ham chaqqonroq bo'la oldi. Gol esa yagonaligini saqlab qoldi.
UYGA QAYTISH
Torres 2014/15 yilning ikkinchi yarmida "Atletiko"ga qaytdi va birdaniga "Real"ga ikkita gol urdi. Bir yildan oldin esa tarixiy voqea sodir bo'ldi - "Atletiko" uchun 100-gol. U butun faoliyati davomida 251 gol kiritdi.
Torres - klubga sodiqlik namunasi va juda zo'r futbolchi. Albatta, yillar o'tib, uni Ronaldu va Messi kabi eslab yurishmas, ammo u klubi va termasi uchun katta ishlarni bajargan.
Mirjalol Normatov tarjimasi
Bosh sahifaga
162