Oyning eng yaxshilari haqida gap ketganida eng omadsiz darvozabon sifatida “Paxtakor” posboni Eldor Suyunovni ko'rsatish mumkin. Zero u har oy eng yaxshilikka davogar bo'ldi, biroq birortasida ham zafar qucha olmadi. Martda sovrin “Bunyodkor”ga, aprelda “Qo'qon-1912” klubiga, mayda esa “Navbahor”ga yo'l oldi.
SHunga ko'ra hisob kitob qilinsa, hozircha Botirali Ergashev hisobida umumiy 5 ochko bor. “Navbahor” posboni mart oyida Zuxurovdan keyin ikkinchi bo'lib, 2 ochko ishlab olgandi. Aprelda esa u davogarlar orasida bo'lmadi. Maydagi peshqadamlik esa unga yana 3 ochko berdi.
Eldor Suyunovda ham jamg'arilgan ochkolari soni 5 tani tashkil qilmoqda. Posbon martda uchinchi bo'lgan edi. Keyingi ikki oyda esa O'tkir Yusupov hamda Botirali Ergashev bilan raqobatga engilib, 2 ochko bilan kifoyalandi.
Keyingi o'rinlarni Murod Zuxurov hamda O'tkir Yusupov 3 tadan ochko bilan bo'lib olgan. Sanjar Quvvatov va Evgeniy CHeremisinda mos ravishda 1 tadan ochko bor.
Etibor berib qaralasa, O'zbekiston milliy terma jamoasining so'nggi ikki o'rtoqlik o'yinida Superliganing ilg'op posbonlari darvozani egalladi. Eronga qarshi uchrashuvda Botirali Ergashev ishtirok etgan bo'lsa, Urugvay bilan o'yinga Eldor Suyunov chiqib keldi.
Botirali Ergashev o'sishda davom etishi kerak. Zero uni avgustda Indoneziyadagi Osiyo O'yinlari kutib turibdi. Posbondan hozircha Ravshan Haydarovning umidi katta. U va Eldor Suyunov, shuningdek, 2019 yilgi Osiyo Kubogida ham ishtirok etishlari mumkin. Va albatta, qolgan posbonlar ham o'zlarini ko'rsatishda davom etishlari shart.
Oldinda to'liq yozgi mavsum bor. Xo'sh, endi qaysi darvozabonlar katta sahnada bo'larkin?
Bosh sahifaga
189