No'mon Hasanov: - O'yin qiziqarli bo'ldi. Tashabbus to'liq jamoamiz tomonida bo'ldi. O'yin asosan maydonning raqibimizga tegishli tomonida o'tdi. Ko'plab standart vaziyatlarga ega bo'ldik. Biz haqli ravishda g'alabaga erishdik. Futbolchilarimizga katta rahmat aytaman. Ular gol o'tkazib yuborgach ham tushkunlikka tushib qolishmadi va oxirigacha kurashib g'alaba qozonishdi. Muxlislarimizga ham alohida tashakkur bildiraman. Ular bizga ishonib stadionga kelishdi. Biz doim ular uchun o'ynaymiz. To'g'ri omadsiz o'yinlarimiz ko'p bo'ldi. O'ylaymanki, omadsiz kunlarimiz ortda qoldi.
Bexruz Sadulloev: – Qo'qonlik muxlislarni g'alaba bilan tabriklayman. O'yin qiziqarli kechdi. G'alabada muxlislarimizning hissasi ham katta deb o'ylayman. Zaxiradan maydonga tushib, g'alaba golini kiritganimdan xursandman. Keyingi o'yinlarda ham muxlislarimizni xursand qilish uchun bor kuch g'ayratimni ayamayman.
Bosh sahifaga
187