Jangovar durang 3:3 hisobida yakuniga etgan bellashuvdan so'ng mezbonlar yarim himoyachisi Ayubxon No'monovning fikrlari bilan qiziqdik.
"Uchrashuvga iloji boricha yaxshi tayyorlandik, qiyin o'yin bo'lishini bilardik. G'alabaga teng durang bo'ldi, muhimi bellashuv muxlislarga yoqadigan jangovar tarzda o'tdi. Bundan ham chiroyliroq o'yinlar ko'rsatib muxlislarimiz oldida yuzimizni yorug' qilishga harakat qilamiz.
Hisobni ochganimizdan so'ng biroz bo'shashdik va gollar o'tkazib yubordik. Keyin esa harakat qilib durangga erisha oldik.
Aslida, muxlislarimiz oldida g'alaba qozonmoqchi edik. Ikki marotaba hisobda ortda borayotib muvozanatni o'nglay olganimizga murabbiyning to'g'ri qarorlari va muxlislarimiz sababchi deb o'ylayman", - dedi No'monov.
Eslatib o'tamiz, Ayubxon No'monov kechagi bahsda hisobni ochgan golni kiritgan edi.
Tolibjon Qosimov yozib oldi
Bosh sahifaga
221