Ekvador futbol federaciyasi Amerika Kubogi chorak finalida Argentinadan uchralgan mag'lubiyatdan bir necha soat o'tib mutaxassis bilan xayrlashganini elon qildi. Asosiy vaqt 1:1 hisobidagi durang bilan yakunlangan bo'lsa, penaltilar seriyasida argentinaliklar kuchliroq chiqdi (4:2).
"Bugun bosh murabbiy Feliks Sanches Bas bilan shartnomani bekor qilish bo'yicha kelishuvga erishildi. Feliks va uning murabbiylar shtabiga mehnati va professionalligi uchun minnatdorlik bildiramiz va kelajakdagi loyihalarida muvaffaqiyatlar tilaymiz", – deyiladi federaciya bayonotida.
48 yoshli ispaniyalik mutaxassis Ekvador terma jamoasini 2023 yilning mart oyidan buyon boshqarib kelayotgandi. Bas boshchiligida terma jamoa 19 uchrashuvdan 10 tasida g'alaba qozondi, 6 marta mag'lubiyat alamini totib ko'rdi va 3 bor durang o'ynadi.
Feliks Sanches o'zbekistonlik futbol ishqibozlariga yaxshi tanish. U bir necha yil mobaynida Qatar mamlakatida faoliyat yuritib, terma bilan 2019 yilda Osiyo Kubogida zafar quchgan.
Bosh sahifaga
136