- Qiyin g'alaba bo'ldi. O'zi engil yutuqlar bo'lmaydi. O'zinglar ko'rdinglar, uchrashuvning birinchi bo'limi va ikkinchi bo'limning o'rtalarigacha o'yindagi ustunlik jamoamiz tarafida bo'ldi. Lekin yaratilgan vaziyatlardan foydalana olmadik. Vaziyatlar bo'lyapti, lekin ular yakuniga etmayapti. Masalan, Nikabadzeda golli vaziyat yuzaga keldi. SHuningdek, Abror yakkama-yakka vaziyatdan foydalana olmadi, Asad darvozabondan qaytgan to'pni darvozaga aniq yo'llay olmadi. Vaziyatlar yaratganimiz bilan, ularni yakuniga etkazishda oqsash bo'lyapti. Natijada uchrashuvning so'nggi daqiqalari asabiy ruhda kechdi. Buxoroliklar gol urishga intilishdi. Lekin himoyada yaxshi turgan holda, g'alabani saqalab qolib, keyin bosqichga yo'l oldik.
Siyavash Haqnazari va Giorgi Nikabadzelar o'zlariga yarasha mahoratga ega bo'lishsada, o'yinni to'liq o'tkazish imkoniyatiga ega emaslar. SHu bois, Giorgini almashtirdim, Siyavash esa uchrashuvni to'liq o'tkazdi. Zaxira o'rindig'imiz cheklangan. Mazkur futbolchilarning avvalgi o'yinlarda boshlang'ich tarkibdan o'rin olishmagani yoki maydonga tushmaganliklari mashg'ulotlar jarayoni bilan bog'liq bo'lgan.
Endi oldinga intilishga harakat qilamiz. Tarkibni kuchaytirib, ishlashda davom etamiz, - dedi Grigoriy Kolosovskiy.
“Navbahor” PFK matbuot xizmati.
Bosh sahifaga
320