– Biz raqibimizning qanday kuchga ega ekanligini yaxshi bilardik. “Navbahor” Superligada medadlar uchun kurashmoqda, jamoa tarkibida O'zbekiston milliy terma jamoasiga nomzod futbolchilar bor. SHunga qaramay, menimcha, mezbonlarning ayrim vaziyatlardagi ustunliklarini inobatga olmasa, o'yin teng kurashlar ostida kechdi. Biz bugun mag'lubiyatga loyiq emasdik. Uchrashuvning ilk daqiqalarida urgan golimiz inobatga olinmadi. O'sha vaziyat bo'yicha biror narsa deyish qiyin.Keyin birinchi bo'limning qo'shimcha daqiqalarida burchak zarbasidan so'ng, mezbonlar gol urishdi. Ikkinchi bo'limda xavfli vaziyatlar yarata oldik. Umuman olganda, yigitlar yaxshi o'yin namoyish etishdi va buning uchun ularga o'z minatdorchiligimni bildiraman. “Navbahor”ni esa bugungi g'alaba bilan tabriklab, jamoaga keyingi bosqich o'yinlarida omad yor bo'lishini tilayman.
“Buxoro”ning oldiga joriy mavsumda klub rahbariyati tomonidan Superliga yo'llanmasini qo'lga kiritish vazifasi qo'yilgan. Buni amalga oshirish yo'lida harakat qilyapmiz. Umuman olganda, Pro ligada 4 ta jamoa Superliga yo'llanmasi uchun kurashmoqda hamda mazkur liganing 2-davra o'yinlari qiziqarli kechadi, deb o'ylayman, - dedi Ulug'bek Baqoev.
“Navbahor” PFK matbuot xizmati.
Bosh sahifaga
634