Denis Korostichenko: "Futbolchilar faqatgina o'zini namoyish etish uchun emas, balki jamoa uchun va "Olimpik" nomi uchun kurashishmoqda"

- O'yin haqida

- "So'g'diyona"ni g'alaba bilan tabriklayman. Afsuski, bugun raqib bugun ko'p golli vaziyatlar yaratib berdik. Raqibimiz xavfli vaziyatlarning biridan foydalandi va g'alabani ilib ketdi. O'zimiz ham vaziyatlarga ega bo'ldik, ammo ulardan foydalana olmadik. O'yinni tahlil qilib chiqamiz va keyingi uchrashuvlarda yaxshiroq o'yin namoyish etamiz degan umiddaman.

- Jamoangiz bugun ham maydonga yaxshi harakat qiladi va mazmunli o'yin namoyish etdi. "Olimpik" jamoasiga bugun durangga erishish uchun nima etmadi deb o'ylaysiz? Sababi jamoangiz bugun ko'p vaziyatlarga ega bo'ldi.

- Jamoa haqida bildirilayotgan iliq fikrlarni eshitishdan xursandman. Ushbu yigitlarga yanada yaxshiroq o'ynashi uchun biroz vaqt kerak. Murabbiylar shtabi bilan ushbu muammolarni bartaraf etish ustida ishlamoqdamiz. Durang uchun tabiiyki gol etishmadi. Realizaciya masalasini ham yaxshilashimiz kerak. 2-3ta yaqqol vaziyatlarni ko'kka sovurdik. Himoyada ham biroz barqarorlik etishmayotgandek. Keyingi uchrashuvlarda yanada yaxshiroq o'yin namoyish etishga intilamiz.

- Bugun "Olimpik" o'yinni qaysi jabhasida raqibdan ustunlik qildi deb o'ylaysiz? Yoki jamoangiz o'yinidagi qaysi jihat sizni yaxshi manoda xursand qildi?

- O'yinimizdagi tezkorlik va mobillik menga yoqdi. Yigitlarning ishtiyoqi ham meni xursand qildi. Yigitlarga bugungi kurash uchun rahmat aytaman. SHunday tempda davom etishimiz kerak. Futbolchilar faqatgina o'zini namoyish etish uchun emas, balki jamoa uchun va "Olimpik" nomi uchun kurashishmoqda. Bugun jamoamni maqtashdan ko'ra ko'proq tanqid qilgan bo'lardim.

- Futbolchilar bugun oddiy vaziyatlarda ko'p xatolarga yo'l qo'ydi. Masalan, himoyadagi paslarda ko'p xatolar kuzatildi. Ushbu muammoni hal etish bo'yicha qandaydir rejangiz bormi?

- Ha. Bu xatolar taktik jihatdan kelib chiqdi deyishimi mumkin. Qaysidir himoyachi kechroq pas bergan bo'lishi mumkin yoki qaysidir futbolchi kechroq ochilgandir. O'yinni to'liq tahlil qilib chiqishim kerak. Himoyada texnik brakga yo'l qo'ydik. Futbolchilarimning texnikasi past demayman, biroq bugun ular ko'p xatolarga yo'l qo'yishdi. Bu ruhiyat bilan bog'liq ham bo'lishi mumkin.