APL. "Manchester Yunayted" yangi futbolchisining goli evaziga mavsumni g'alaba bilan boshladi

Uchrashuv yakunlandi! "Yunayted" mavsumni g'alaba bilan boshladi.

90+4. IEEEEE!! Garnacho oppa-ochiq darvozaga gol ura olmadi(

90+2. UXXXXXXX!! Garnachoning zarbasini Leno qaytardi. Bugun "Yunayted" vaziyatlarining yarmidan foydalanganida ham yirik hisobda yutayotgan bo'lardi.

Bahsga 4 daqiqa qo'shib berildi.

87. ZIRKZIIIIIII!!! Uchrashuvda hisobni ochdi yangi futbolchi! Debyut o'yinda debyut gol.

81. De Ligt maydonga tushdi!

80. MYU tezkor qarshi hujumga o'tdi. Brununing zarbasi esa Leno uchun oddiylik qildi. Bugun Fernandeshning kuni emas shekilli. 

77. "Yunayted" asosiy vaqtini himoyada o'tkazishga majbur bo'layotgandi. Bosimdan jamoa qiyinchilik bilan chiqib ketmoqda.

74. Lisandroga olqishlar! "Yunayted" tezkor qarshi hujum qurboni bo'lishi mumkin edi. Pereyraning qanotdan darvoza yoniga uzatgan to'pini Licha maydondan tashqariga chiqarib yubordi.

69. Garnachoning zarbasini Leno ushlab oldi.

66. UXXXXXXX!! "Fulxem" tezkor qarshi hujumga o'tib ketdi. Mehmonlarning ikki futbolchisi Maguayr bilan yolg'iz qolgandi. Qirol ushbu vaziyatda jamoasini goldan saqlab qola oldi!

62. ZARBAAAAAAAA!! Munis kutilmaganda akrobatik uslubda zarba yo'lladi. Onanadan chiroyli seyv!

60. "Yunayted"da ikkita o'zgarish bo'ldi: Garnacho va yangi futbolchi Zirkzi maydonga tushdi.

56. ZARBAAAAAAA!! Maynuning zarbasi noaniq ketdi. "Yunayted" bugun juda ko'p vaziyatdan foydalana olmayapti.

53. Jarimadan uzatilgan to'pni Onana ushlab oldi va tezkor hujum boshlab berdi. Reshfordning faolligidan keyin Maunt yaxshi vaziyatga ega bo'ldi. Zarbani Leno qaytardi.

52. Reshford o'z jarima maydonchasi yaqinida Traoreni yiqitdi. Jarima zarbasi.

48. Ikkinchi bo'lim boshida "Fulxem" bosim uyushtirdi. Burchakdan uzatilgan to'pga berilgan zarba noaniq ketdi.

46. Ikkinchi bo'lim boshlandi!

Tanaffus!

Birinchi bo'limga 1 daqiqa qo'shildi.

41. Maguayr raqib jarima maydonchasi ichida yiqildi. Hakam bittada simulyaciya ekanligini bildi va Maguayrga sariq berdi. VAR ishlayotgan zamonda bunday ish qilish kerakmas-da(

35. BRUNUUUUUUU!! Yana bir vaziyatni ko'kka sovurdi. Bu safar ham u birga bir imkoniyatdan foydalana olmadi.

32. "Yunayted"da yana bir vaziyat. CHap qanotdan darvoza yonidagi Brunu tomon havolatib to'p uzatildi. Zarba berish uchun Brununing bo'yi pastlik qildi.

29. UXXXXXXXXXX!!! Uchrashuvda golga tortadigan ilk vaziyat yuzaga keldi. Lenoning qo'pol xatosidan keyin Kazemiro to'pni egallab oldi va bir urinishda Fernandeshni Leno bilan birga bir vaziyatga chiqardi. Brununing zarbasini Leno qaytardi.

27. Kazemironing zarbasi darvozaning yuqorisidan o'tib ketdi.

26. Demak, yangi mavsumdagi ilk sariq kartochka Bassiga ko'rsatildi.

24. Brununing jarimadan uzatgan to'piga yana Kazemiro zarba berdi va yana zarba noaniq ko'rinish oldi.

20. Brunu juda o'tkir burchakdan Leno darvozasini ishg'ol qilmoqchi bo'ldi. Lekin zarba noaniq ketdi.

19. Hozircha total ustunlik mehmonlar tomonida. "Yunayted"ning himoyasiga katta yuk tushyapti.

16. Qoyil-e) Bahaybat Adama Traore mittigina Lisandro Martinesning "korpusi"ga uchib ketdi)

15. "Yunayted" standartga ega bo'ldi. Uzatilgan to'pga Kazemiro boshi bilan noaniq zarba yo'lladi.

14. "Fulxem" burchak zarbasiga ega bo'ldi. Undan uzatilgan to'pga bosh bilan zarba berildi. To'p himoyachilar tomonidan qaytarib yuborildi.

13. ZARBAAAAAAA!!! Tetening kuchli zarbasidan keyin Onanadan superseyv ko'rdik!
12. Amad Diallo raqib jarima maydonchasi ichida yiqilib tushdi. Bosh hakam bu holatga etibor qaratmadi.

8. Adama Traorening zarbasi noaniq ketdi.

6. Andreas Pereyra tomonidan uzatilgan to'pni Onana ushlab oldi.

5. "Fulxem" jarima zarbasini amalga oshiradi.

2. Ilk daqiqadan "Yunayted" hujumga o'tdi. Reshford chap qanotdan markaz tomon to'pni oshirdi. Biroq offsayd qayd etildi.

1. UCHRASHUV BOSHLANDI!

- Hurmatli futbol ishqibozlari! Etiboringizni "qariya Trafford"ga qaratamiz. Ushbu stadionda APLning yangi mavsumini ochib beruvchi bahs boshlanadi.