Bugun, 17 avgust kuni ushbu sport bellashuvlarining ochilish marosimi bo'lib o'tdi. Erta tongdan ishtirokchilar o'zgacha kayfiyat, yuqori energiya bilan o'z iqtidorlarini namoyish qilishga shay holatda saflangan.
Tantanali ochilish marosimida so'zga chiqqan “Trastbank” XAB Boshqaruvi raisi o'rinbosari Komil Gabbazov barcha ishtirokchilarni ushbu sport bayrami bilan qutlab, ularga muvaffaqiyatlar tiladi. Bundan tashqari, sport – salomatlik va baxtli hayot manbai ekanligini takidlab, Bankda xodimlarning iqtidorlarini namoyon etishi uchun barcha shart-sharoitlar yaratilganligini bildirdi. Ananaviy tarzda o'tkazib kelinadigan “Spartakiada” sport bellashuvlari bunga yaqqol misol ekanligini, shuningdek, O'zbekiston Respublikasi Mustaqilligining 33 yilligi hamda “Trastbank”ning 30 yillik tantanalari arafasida o'tkazilayotgan ushbu “Spartakiada – 2024” sport musobaqalari xodimlarning yakdilligi va shijoatu g'ayratiga hissa qo'shishini qayd etdi.
Takidlash joizki, ikki kun davom etadigan musobaqada jamoalar sportning mini futbol, voleybol, basketbol, stol tennisi va shaxmat turlari bo'yicha o'zaro kuch sinashadi. G'oliblar esa 24 avgust kuni o'tkaziladigan finalga yo'llanma oladi. Yakuniy bosqichda faxrli o'rinlarni egallagan jamoalar esdalik sovg'alar bilan taqdirlanadi.
SHu o'rinda, “Spartakiada – 2024” sport musobaqalarida ishtirok etayotgan barcha jamoalarga omad tilaymiz!
Bosh sahifaga
115