Sobiq bosh murabbiy Andrey SHipilov o'z xohishiga ko'ra istefo bergach, uning o'rniga taniqli mutaxassis Jasur Abduraimov “Metallurg” PFK bosh murabbiyi etib tayinladi.
Bugun “Metallurg” PFK rahbariyati Jasur Abduraimovni jamoa azolariga rasman bosh murabbiy sifatida tanishtirdi va Jasur Beradorovichning kelgusi faoliyatiga omad tiladi.
Abduraimov Jasur Beradorovich 1972 yil 1 may sanasida tavallud topgan. Futbolchilik faoliyatini 1990 yilda “SHaxter” (Angren) jamoasida boshlagan. Turli yillarda “Umid” (Toshkent), “Navbahor” (Namangan), “Melaka” (Malayziya), MXSK (Toshkent), “So'g'diyona” (Jizzax), “Zarafshon” (Navoiy), “Paxtakor” (Toshkent), “Buxoro” (Buxoro), “Surxon” (Termiz) jamoalarida to'p surgan.
Murabbiylik faoliyatini esa “Paxtakor” futbol klubida boshlagan. O'zbekiston U-19, U-22 terma jamoalari ustozi sifatida faoliyat olib bordi. Bir necha yillar davomida “Paxtakor” PFKda ishlab keldi: bosh murabbiyi vazifasini bajaruvchi, bosh murabbiy yordamchisi sifatida faoliyat yuritdi.
Jasur Abduraimov endilikda “Metallurg” PFK bosh murabbiyi sifatida faoliyatini davom ettiradi.
Bosh sahifaga
471