O'yin haqida
- Ha, bugungi o'yinni boy berdik. Bosimlarga boy uchrashuv bo'ldi. Biz chempionatdagi ketma-ket o'yinlarda ochkolarni boy berayapmiz. Bu nimadan dalolat beradi? Jamoada inqiroz bor, o'yin borasidagi inqiroz. Bugun 0:2 dan hisobni 2:2 ko'rinishiga keltira oldik. Yigitlar kurashishdi, albatta ularga xarakter uchun minnatdorchilik bildiraman. Lekin raqib ham g'alaba uchun oxirigacha kurashdi, buni ham takidlab o'tish lozim. "Surxon"ni g'alaba bilan tabriklayman.
- "Andijon" birinchi davrani yaxshi o'tkazgandi. Ikkinchi davradagi natijalar esa qoniqarsiz. Buni qanday izoxlaysiz?
- Yuqorida aytdim, bizda o'yin borasidagi krizis bor, shunaqa vaziyatdamiz. Nimadir o'xshamayapti. Bu ruhiyat bilan bog'liq, tizimli inqirozga tushib qoldik. Harakat qilayapmiz, mashg'ulotlarda ishlayapmiz. Lekin kutilganidek natija bo'lmayapti. Bu vaqt bilan bog'liq jarayon, oldindagi o'yinlarda ijobiy natijalarga erisha olamiz deb o'ylayman.
- Jamoa so'ngi 3 ta o'yinda 8 ta gol o'tkazib yubordi. Bunda himoyachilar va darvozabonning ayblari bormi?
- Butun jamoaning aybi bor. Jamoaning o'zida nimadir o'xshamayapti. Ruhiyat bilan bog'liq tizimli inqirozdamiz. Biz ham g'alabalarni istaymiz, natija uchun kurashayapmiz. Biroq, hozir jamoada shunaqa muammo bor. Tahlil qilib, kamchiliklar ustida ishlaymiz.
- Evropa klublarida psixolog-ruhshunoslar ishlaydi. Bizda ham shu jarayonni tashkil qilinsa bo'lmaydimi?
- Murabbiy o'zi ruhshunos bo'lishi kerak. Har bir futbolchining imkoniyatlarini, ruhiyatini to'g'ri baholashi lozim. Lekin, yaxshi taklif ekan, futbol klublarida shunaqa ish o'rni tashkil qilinsa, mening fikrimcha yomon bo'lmasdi.
Bosh sahifaga
552