O'yin haqida
- O'yinni ko'rdinglar, g'alabaga osonlikcha erishmadik. Pro-ligada hozir har bir jamoa ochko uchun jiddiy kurash olib borayapti. Yigitlarga raxmat, oson o'tmagan o'yinda bizga g'alaba taqdim etishdi.
- "SHo'rtan" tanaffusdan startda 1 mag'lubiyat, 1 durang va bugun g'alaba qayd etdi. Sizningcha, jamoa mavsumning ikkinchi qismini qanday boshladi?
- Albatta, o'z uyimizda mag'lub bo'lsak, bu juda alamli. Startda "Buxoro"ga yutqazib qo'ydik. Ortga qarash kerakmas, natija qaytib kelmaydi. Oldindagi o'yinlarda yo'qotilgan ochkolar o'rnini qoplash uchun jiddiy harakat qilishimiz lozim bo'ladi.
- "Do'stlik"ning jadvaldagi o'rnidan va chetlatishdan kelib chiqsak, "SHo'rtan" bugun g'alabaga oson erishadigandek ko'ringandi. Lekin o'yin oson o'tmadi...
- To'g'ri aytdingiz, hozir Pro-ligada har bir o'yin oson o'tmayapti. Futbolchilarimiz ham dastlabki daqiqalarda shu fikrda bo'lishgan ko'rinadi. Hakam hushtagi chalinib o'yin boshlanganidan har bir futbolchi maydonda jon-jahdi bilan harakat qilishi kerak. Keyin o'yinni qaytarib qolish qiyin bo'ladi.
- Jasur O'rinovning to'pni qo'l bilan o'ynab, maydonda chetlatilgan vaziyatini qanday baholaysiz?
- Albatta, buni oqlamayman. Har bir futbolchi jamoa manfaati yo'lida ishlashi kerak. Sariq kartochkasi bor ekanini bilib turib ham qo'l bilan o'ynadi va xato qildi.
- Navbatdagi o'yin "Mashal"ga qarshi bo'lib o'tadi. SHu uchrashuv haqida fikringiz?
- Derbilar har doim o'zgacha o'tadi. CHunki o'z nomi bilan derbi. Biz bu o'yinga ham boshqa jamoalar bilan bo'lgani kabi tayyorgarlikka kirishamiz. Bugungi o'yinni tahlil qilib chiqib, yo'l qo'yilgan xato va kamchiliklar ustida ishlaymiz.
Bosh sahifaga
422