Superliga. 10 daqiqa ichida 4 ta gol o'tkazib yuborgan "Qizilqum" safarda "Lokomotiv"ga yutqazdi

Uchrashuv yakunlandi.

90. Ikkinchi bo'limga 5 daqiqa qo'shib berildi.

89. Mehmonlar tomonidan yo'llangan jarima zarbasi kuchli va xavfli ko'rinish oldi, ammo to'p darvoza tomon aniq bormadi.

86. "Lokomotiv"da uchta o'zgarish sodir bo'ldi.

79. Biroz avval zaxiradan maydonga tushgan Jumanqo'ziev raqib futbolchisiga nisbatan qo'pollik ishlatgani uchun ogohlantirildi.

75. Lobjanidzening raqib jarima maydonidagi navbatdagi zarbasi darvoza to'rining yon tomoniga tegdi.

73. Ikki jamoa tarkibida o'zgarishlar amalga oshirildi.

71. Xavfli vaziyat! Hakimov raqib jarima maydonida qulay nuqtadan turganiga qaramay, bosh bilan zarba yo'llay olmadi, "Qizilqum" darvozaboni to'pni egallab oldi.

67. Tarasov qulay vaziyatdan foydalana olmadi. Hujum yakunida to'p aynan undan maydon tashqarisiga chiqib ketdi.

62. "Qizilqum" hujum qilayotgan pallada "Lokomotiv" jarima maydoni tarafda ikkinchi to'p to'xtab turgan ekan, hakam buni payqamagan.

58. Xavfli vaziyat! Sayyotov o'zi bilan birga-bir vaziyatga chiqib borgan raqib futbolchisining zarbasi yo'nalishini o'zgartirdi, undan keyin to'p darvoza ustuniga tegib qaytdi. 

54. GOL! Elguja Lobjanidze penaltidan "Lokomotiv" darvozasini ishg'ol qilib, hisobni qisqartirdi. Gruziyalik hujumchi chap tomonni nishonga oldi, Abdujalilov esa to'p yo'nalishini topa olmadi.

53. Hakam "Lokomotiv" darvozasi tomon penalti belgiladi.

51. Vahobovning uzatmasi "Lokomotiv" jarima maydonida mezbonlar himoyachisi Yo'ldoshevning qo'liga tegdi. Hakam VAR vaziyatdni monitorda ko'radi. 

48. Lobjanedze raqib jarima maydonida bosh bilan zarba yo'lladi, biroq unga bu safar omad kulab boqmadi.

46. Ikkinchi bo'lim boshlandi.

Taym yakunlandi.

45+4. Xavfli vaziyat! G'iyosovning zarbasini Abdujalilov qaytardi.

45+2. Xavfli vaziyat! Vahobov chap oyoqda chiroyli zarba yo'lladi, biroq uning zarbasiga aniqlik etishmadi.

45. Birinchi bo'limga 4 daqiqa qo'shib berildi. SHu daqiqalarning birinchisida mezbonlarning hujumi golga aylanishi mumkin edi, "Qizilqum" himoyachisi so'nggi pallada to'pni maydon tashqarisiga chiqarib yubordi.

43. Hakimovning navbatdagi zarbasi ancha noaniq ketdi.

41. "Lokomotiv"ning burchakdan uzatmasi zarba bilan yakunlandi, ammo to'p yo'nalishi noaniq ko'rinish oldi. 

35. GOL! Lobjanidze raqib himoyachisini dog'da qoldirgan holda to'pni o'ziga qulay to'g'rilab oldi va hisobni biroz qisqartirdi.

34. "Qizilqum" himoyachilari raqibga beshinchi golni sovg'a qilishga bir bahya qoldi. Sayyotov oxirgi pallada epchilroq harakat qilgan holda to'pni egallab oldi.

27. "Qizilqum"da birato'la uch o'zgarish ro'y berdi. "Lokomotiv" ham bitta o'zgarishga qo'l urdi.

"Qizilqum"ning birinchi bo'limdayoq bir xil uslubda, qarshiliklarsiz gol o'tkazib yuborishi shubhali. Meni mazur tuting, ko'p narsaga shubhalanadigan bo'lib qolganman.

21. GOL! "Qizilqum" bugun "ochiq eshiklar kuni" o'tkazmoqda. "Lokomotiv" bugungi o'yindagi to'rtinchi to'pini kiritdi, raqib jarima maydonida esa ketma-ket uchinchi marotaba bosh bilan darvozani ishg'ol qildi. Bu safargi gol Mixail Gashchenkov hisobiga yozildi. Navoiyliklar ustozi kubok o'yinidan so'ng bor etiborini Superligaga qaratishini aytgandi. Bu so'nggi o'yinlarda sezilib turibdi.

18. GOL! "Qizilqum" Toshkentga himoyachilarsiz kelgan ko'rinadi. Tursunovning uzatmasidan so'ng bu safar Abdunabiev bosh bilan raqib darvozasiga joylab qo'ydi!

15. GOL! Hali o'ziga kelib ulgurmagan "Qizilqum" darvozasidan ikkinchi to'pni o'tkazib yubordi. Abdunabievning say-harakatlari natijasida jarima maydoni markazida turgan SHodiboev raqib darvozasini ishg'ol qildi!

11. GOL! Yon chiziqdan jarima maydoniga uzatilgan to'pni Jasur Hakimov bosh bilan raqib darvozasiga joylab qo'ydi!

11. G'iyosovning akrobatik uslubda yo'llagan zarbasi kuchli chiqmadi, shu bois Abdujalilov qiyinchiliksiz to'pni ushlab oldi.

9. SHodiboev aldamchi harakatlari bilan raqib jarima maydoniga kirib borishga urindi, biroq sherigi uni tushunmadi.

8. Qosimov tomonidan yo'llangan jarima zarbasi kuchli bo'lmagani bois "Lokomotiv" darvozaboniga qiyinchilik tug'dirmadi.

7. Lobjanidzega nisbatan qo'pollik ishlatildi. "Qizilqum"da standart vaziyat yuzaga keldi.

6. "Qizilqum"ning dastlabki hujumini Hakimov bartaraf etdi.

1. Uchrashuv boshlandi.

Jamoalar maydonga chiqib kelishdi. "Lokomotiv" oq, "Qizilqum" qizil rangli liboslarda harakat qiladi.