Xabaringiz bor, "Olimpik" hujumchisi Alisher Odilov "Ximki" jamoasiga o'tish arafasida turgan edi. 20 avgust kuni tunda bergan xabarimizda forvard bir necha soatdan keyin Rossiyaga uchib ketishi va yangi jamoasida tibbiy ko'rikdan o'tishi haqida yozgan edik.
Championat.asia olgan malumotga ko'ra, Odilov "Ximki"da tibbiy ko'rikdan muvaffaqiyatli o'tgan. 23 yoshli hujumchi yangi jamoasi bilan 2 yillik shartnoma imzolagan.
Alisher Odilov indinga, 28 avgust kuni Rossiya Kubogi guruh bosqichi doirasida "Lokomotiv"ga qarshi Moskvada bo'lib o'tadigan o'yinda debyut qilishi kutilmoqda. Malumot uchun, "Lokomotiv" ayni paytda Rossiya chempionatida 15 ochko bilan peshqadamlik qilmoqda. Kubokda moskvaliklar oldingi ikki o'yinda ham g'alaba qozonib, o'z guruhlarida 1-pog'onada borishmoqda.
Eslatib o'tamiz, "Ximki" joriy mavsum Rossiya chempionatida 6 o'yindan keyin 6 ochko bilan turnir jadvalining 11-pog'onasida bormoqda.
Bosh sahifaga
284