Italiyaning "Roma" klubi Saudiya Arabistonidan bo'lgan Saud Abdulhamidni sotib oldi. "Al Hilol" futbolchisi uchun "Roma" 2.5 mln evro to'lagan.
Saud Abdulhamid Saudiya Arabistoni tarixidagi top-5 chempionatlariga to'laqonli yo'l olgan ilk futbolchiga aylandi. Bunga qadar Saudiya Arabistonidan bo'lgan to'qqiz nafar futbolchi maxsus kelishuv asosida La Ligada ijarada o'ynagandi. Saud Abdulhamid esa top-5 chempionatlariga transfer qilingan ilk saudiyalik o'yinchi bo'ldi.
O'tgan mavsum Saud Abdulhamid 32 ta o'yinda maydonga tushib, 3 ta gol va to'rtta assit qayd etdi.