La Liga
3-tur
"Las-Palmas" — "Real Madrid"
"de Gran Kanariya" stadioni
Gollar: 1:0 – 5 Moleyro, 1:1 – 69 Vinisius Junior (penalti).
"Las-Palmas" – Sillessen, Marmol, Makkenna, Suares, Marvin, Kampanya (Luaodis, 81), Moleyro (Benito Ramires, 61), Rodriges (Fuster, 81), Xavi Munos, Sandro Ramires (Viti, 78), Makberni (Mata, 78).
"Real Madrid" – Kurtua, Mendi (Fran Garsiya, 46), Ryudiger, Militao, Vaskes (Karvaxal, 76), Tchuameni, Valverde, Vinisius Junior (Endrik, 86), Modrich (Gyuler, 64), Braim Dias (Rodrigo, 46), Mbappe.
Ogohlantirishlar: Mendi (40), Karron (74), Militao (88).
Ushbu sahifada uchrashuvning matnli translyaciyasini kuzatib borishingiz mumkin bo'ldi.
YANGILASH
90+5-daqiqa. Buskets final hushtagini chaldi! "Real Madrid" yana durang o'ynadi!
90+4-daqiqa. "Real"ning yana bir hujumi besamar ketdi.
90+2-daqiqa. Mbappe havodan uzatgan to'pni na Karvaxal, na Endrik darvozaga yo'llay olishdi.
90-daqiqa. O'yinning asosiy vaqtiga 5 daqiqa qo'shib berildi.
88-daqiqa. GOOOOOOOL! Ammo, lekin biroq... "Las-Palmas" hujumchisi o'yindan tashqari holatda edi. SHu sababli gol inobatga olinmadi.
88-daqiqa. Ogohlantirish! Eder Militaoga hakam sariq kartochka ko'rsatmoqda.
86-daqiqa. O'zgarish! Vinisius Junior o'rniga Endrik o'yinga qo'shildi!
85-daqiqa. Kilian Mbappe Arda Gyulerning uzatmasidan keyin qulay nuqtaga chiqib bordi, himoyachini chalg'itdi, lekin... Oxirgi zarba bu safar ham o'xshamadi.
81-daqiqa. O'zgarishlar! Xose Kampanya va Kirian Rodriges o'rniga Enco Luaodis hamda Manu Fuster tushirildi.
80-daqiqa. Kilian Mbappe o'ngroqdan jarima maydonchasiga yaqinlashib keldi va kuchli zarba berdi, ammo juda noaniq.
77-daqiqa. Fran Garsiya ijrosida hujumda fol!
76-daqiqa. O'zgarish! Lukas Vaskes o'rniga Dani Karvaxal maydonga tushdi.
75-daqiqa. Ryudiger faolligi tufayli to'p "Real"da qoldi va raqib hujumi rivojlanmadi.
73-daqiqa. Mezbonlarning burchak zarbasidan keyin "Real" tezkor qarshi hujumga o'tdi va Vinisius Junior uni zarba bilan yakunladi. Biroq uning zarbasi Karlo Anchelottiga umuman maqul kelmadi.
71-daqiqa. Gol o'tkazib yuborgan "Las-Palmas" Kurtua darvozasi oldida xavf tug'dira oldi va burchak zarbasi ham ishladi.
69-daqiqa. GOOOOOOL! Vinisius Junior penaltidan hisobni tenglashtirmoqda!
To'p oldida Vinni!
67-daqiqa. PENALTI! Jarima maydonchasi ichida Gyulerdan darvoza tomon ketayotgan to'p himoyachining qo'liga tegdi va bosh hakam nuqtaga ishora qildi!
64-daqiqa. O'zgarish! Luka Modrich o'rniga Arda Gyuler o'yinni davom ettiradi.
"Real"da Arda Gyuler maydonga tushishga deyarli tayyor.
61-daqiqa. O'zgarish! Alberto Moleyro o'rniga Benito Ramires o'yinga qo'shildi.
60-daqiqa. Fran Garsiya ishlab olgan burchak zarbasidan keyin Tchuameni boshi bilan zarba berdi, biroz noaniq.
59-daqiqa. "Madrid" to'pni nazorat qilmoqda va uni raqibga deyarli bermayapti, lekin hozircha ish chinakamiga xavfli vaziyatga etib bormadi.
57-daqiqa. "Real"ning yana bir hujumi omadsiz yakunlandi. Mbappe uzatmasi noaniq chiqdi.
55-daqiqa. Oradagi farq ikkitaga oshishi mumkin edi. Kurtua bilan birga-bir vaziyatga chiqib ketgan Sandro Rodriges oxirgi zarbani aniq amalga oshira olmadi.
54-daqiqa. Rodrigo o'ng qanotdan markazga qarab yurdi va chap oyoqda zarba berdi, lekin bu safar ham Silessen ishonchli harakat qildi.
52-daqiqa. Burchakdan uzatilgan to'pni himoyachilar qaytargandi, jarima maydonchasidan uncha uzoq bo'lmagan zonada turgan Fran Garsiya uni birgina urinish bilan qaytarib, darvoza tomon yo'lladi, ammo uning urinishiga kuch etishmadi.
50-daqiqa. Vinisius raqibga nisbatan fol ishlatdi!
47-daqiqa. "Real"ning hujumi oxiriga etmay qoldi.
Ikkinchi bo'lim boshlandi!
46-daqiqa. O'zgarishlar! Braim Dias va Ferlan Mendi o'rniga Rodrigo hamda Fran Garsiya o'yinga qo'shildi.
Ayni shu pallada hakam Mateo Buskets bo'lim yakunlanganini bildiruvchi hushtagini chaldi. Hozircha "Real" imkoniyatni boy bermoqda!
45+1-daqiqa. Bu safar ham "Real" burchak zarbasidan foyda chiqara olmadi.
45-daqiqa. Birinchi bo'limning asosiy vaqtiga 1 daqiqa qo'shib berildi.
45-daqiqa. "Real" raqib jarima maydonchasiga yorib kirdi, ammo himoyachilar uni qaytarib yuborishdi.
42-daqiqa. Makberni jarima maydonchasi ichida Ryudiger bilan kurash chog'ida yiqildi, lekin hakam o'yinni davom ettirishni talab qildi.
40-daqiqa. Ogohlantirish! Ferlan Mendi to'p uchun kurashda Sandroga nisbatan fol ishlatishga majbur bo'ldi.
Burchak zarbasidan keyin ham mehmonlar niyatiga eta olmadi.
38-daqiqa. Ryudigerning zarbasidan keyin Silessen qiyinchilik bilan to'pni qaytarishni uddaladi.
37-daqiqa. Militao oddiy vaziyatda to'p oshirishda xatoga yo'l qo'ydi.
35-daqiqa. Modrichning faolligi to'pni "Real"ga qaytarib berdi.
32-daqiqa. Xaver Munos jarima maydonchasi tashqarisidan darvozani nishonga olishga urinib ko'rdi. Biroq uning zarbasidan keyin to'p juda va juda uzoqlardan o'tib ketdi.
31-daqiqa. Yana mezbonlar to'p bilan muomalada bo'lib turibdi.
29-daqiqa. Kilian Mbappe tezligini ishga soldi, oldinga o'tib bordi va aniq zarba berdi, lekin kiper o'z o'rnida.
28-daqiqa. Mezbonlar to'pni nazorat qilishmoqda.
25-daqiqa. UXXX! Federiko Valverde!!! Uning kuchli zarbasidan keyin Silessen jamoasini muqarrar goldan qutqarib qoldi.
24-daqiqa. Vinisius jarima maydonchasi oldida yiqitildi. Hakam mehmonlar uchun jarima zarbasi belgiladi.
20-daqiqa. "Las-Palmas" ilk daqiqalarda yomon o'ynamayapti. Jamoa futbolchilari ancha ishonch bilan qilmoqda har bir harakatini.
18-daqiqa. Oliver Makberni o'ta qulay imkoniyatdan unumli foydalana olmadi.
17-daqiqa. Mika Marmol "podkat"da to'pni olib qo'ydi.
14-daqiqa. "Las-Palmas" qarshi hujumga o'tmoqchi edi, ammo Sandro Ramires to'pni o'ziga to'g'rilay olmadi.
11-daqiqa. O'ziga kelib olish uchun ham "Real" shoshilmasdan to'pni nazorat qilmoqda.
7-daqiqa. Burchak zarbasini Luka Modrich amalga oshirdi, lekin uning uzatmasidan keyin to'pni eng yaqinda turgan himoyachi osonlik bilan qaytardi.
5-daqiqa. GOOOOOOOOL! "Las-Palmas" hisobni ochmoqda! Birinchi hujum va darhol gol! Gol muallifi Alvaro Moleyro!
1-daqiqa. O'yin boshlandi!
Har ikki klub asosiy tarkib vakillari maydonga tushib kelishdi.
Bosh sahifaga
1341