Paxtakor Otabek Jo'raqo'ziev - 120', Ulug'bek Hoshimov - 120' | O'zbekiston Kubogi. 6-tur 30/08/2024, 19:00 - : - Boshlanmadi | Navbahor |
Uchrashuv yakunlandi. "Navbahor" final yo'llanmasini qo'lga kiritdi!
"Paxtakor": ⚽️⚽️❌❌⚽️
"Navbahor": ❌⚽️⚽️⚽️⚽️
Qo'shimcha bo'limlarda ham hisob o'zgarmadi. Navbat penaltilar seriyasiga!
120+1. Xavfli vaziyat! Alijonovning uzatmasidan so'ng CHeran bo'sh darvozani ishg'ol qilishi mumkin edi, biroq to'pga eta olmadi.
120. Xavfli vaziyat! O'ng qanotdan uzatmagan Hoshimov bosh bilan zarba yo'lladi, biroz noaniq.
117. Jiyanovga nisbatan qoidabuzarlik sodir etildi.
113. Xavfli vaziyat! Ibragimovning bosh bilan yo'llagan zarbasiga biroz aniqlik etishmadi.
112. Iskanderovning burchakdan uzatmasini Nazarov urib yubordi, keyingi hujum Iminjonovning zarbasi bilan yakunlandi.
108. Xavfli vaziyat! CHeranning uzoq masofadan yo'llagan zarbasini Quvvatov egallab oldi.
106. To'rtinchi bo'lim boshlandi.
Taym yakunlandi.
105. Uchinchi bo'limga 1 daqiqa qo'shib berildi.
104. Mehmonlarning qarshi hujumi muvaffaqiyatsiz yakunlandi. "Navbahor" futbolchisi raqib jarima maydonida yiqildi, hakam o'yin qoidasi buzilmaganini takidladi.
99. Xavfli vaziyat! Iminjonov o'ng qanotdan uzatilgan to'pni o'ziga to'g'rilay olmadi, aks holda yaqin masofadan xavfli zarba yo'llashi mumkin edi.
98. Mezbonlarning burchakdan uzatmasi kuchli bo'lmagan zarba bilan yakunlandi, so'ngra ofsayd holati qayd etildi.
95. Xavfli vaziyat! Iskanderov raqib jarima maydoniga yaqin nuqtadan chap oyoqda kuchli zarba yo'lladi, ammo uning urinishi muvaffaqiyatsiz yakunlandi.
91. Uchinchi bo'lim boshlandi.
Uchrashuvning asosiy vaqtida hisob ochilmadi. Endilikda qo'shimcha bo'limlar guvohiga aylanamiz.
90+4. Sayfiev hakamga etiroz bildirgani uchun dastlab ogohlantirildi, so'ngra etirozini davom ettirgani uchun maydondan chetlatildi.
90. Ikkinchi bo'limga 4 daqiqa qo'shib berildi.
89. Xavfli vaziyat! "Navbahor" futbolchilarining standarti zarba bilan yakunlandi, lekin Nazarov hushyorlikni yo'qotmadi.
88. Mirsaidovga nisbatan Adhamzoda tomonidan hujumda fol ishlatildi.
84. "Navbahor" o'zgarishga qo'l urdi.
81. "Navbahor" jarima zarbasini kombinacion tarzda amalga oshirdi, ammo yakunda to'pni Nazarov egallab oldi.
79. "Paxtakor"da standart vaziyat yuzaga keldi, ammo mezbonlar bundan foydalana olmadi.
77. "Paxtakor"da ham ikki o'zgarish ro'y berdi.
74. "Navbahor"da ikki o'zgarish amalga oshirilmoqda.
71. Zarba! Bo'riev uzoq masofadan o'z omadini sinab ko'rdi, biroq uning urinishi ko'ngildagidek chiqmadi.
69. Xavfli vaziyat! "Paxtakor" futbolchilarining yana o'ng qanotdan uzatmasidan so'ng CHeran noaniq zarba yo'lladi.
68. Xavfli vaziyat! Boltaboev o'ng qanotdan Adhamzoda tomon uzatilgan to'p yo'liga to'g'anoq bo'ldi.
66. Nazarov yana to'pga chiqishda jamoadoshlarini xavotirga soladigan harakat amalga oshirdi.
63. "Navbahor"da o'zgarish: Jo'raboev Nikabadzeni almashtirdi.
62. "Paxtakor" standart vaziyatga ega bo'ldi. Alijonovning uzatmasini Nikabadze maydon tashqarisiga chiqarib yubordi.
57. Xavfli vaziyat! Ismoilovning raqib jarima maydonidan chap oyoqda yo'llagan zarbasi ancha yuqorilab ketdi.
55. Alijonov 55-daqiqada 55-raqamli raqibiga nisbatan qo'pollik ishlatgani uchun ogohlantirildi.
51. Nazarov yana kichik xatoga yo'l qo'ydi, u tepgan to'p Nikabadzega tegib, darvozasi tomon yo'l olayotgandi. "Paxtakor" darvozaboni to'pga vaqtida ulgurdi.
47. "Navbahor"ning tezkor qarshi hujumi Nikabadzening zarbasi bilan yakunlandi, to'p "Paxtakor" futbolchisiga tegib, maydonni tark etdi.
46. Ikkinchi bo'lim boshlandi.
Taym yakunlandi.
45+5. Hamdamov raqib jarima maydoniga kirib bordi, biroq to'pni o'zidan uzoqlashtirib yubordi.
45. Birinchi bo'limga 9 daqiqa qo'shib berildi.
45. Xavfli vaziyat! CHeranning olisdan chap oyoqda yo'llagan zarbasiga aniqlik etishmadi, to'p yo'l-yo'lakay raqib futbolchisiga tekkan ekan.
43. Adhamzoda Hamrobekovga nisbatan qo'pollik ishlatgani uchun ogohlantirildi.
42. Xavfli vaziyat! Alijonovning uzatmasi zarbaga aylanib ketib, darvoza to'siniga tegib, maydonni tark etdi.
39. Hamdamovning jarimadan uzatgan to'pini Quvvatov mushtlari bilan urib yubordi.
O'yinda to'xtalish yuzaga keldi. Aniq malumot bilmaymiz. O'yin bir muddat to'xtab qoldi.
32. Yana "Navbahor" futbolchisiga sariq kartochka ko'rsatildi. Bu safar Nikabadze Abdumannopovga nisbatan xavfli o'yin namoyish etgani uchun ogohlantirildi. Mehmonlar dastlabki yarim soat ichidayoq uch marotaba jazolandi.
30. Maydon markazida CHeranga nisbatan qoidabuzarlik sodir etgan Ivanovich ogohlantirildi.
28. Mehmonlar tomonidan tashkillashtirilgan hujum Ismoilovning zarbasi bilan yakunlandi. Ammo u o'yindan tashqari holatda qolib ketgan ekan.
23. Xavfli vaziyat! Nazarov to'pga chiqishda xatolikka yo'l qo'yib, Haqnazariyga pas berib yubordi. Eronlik yarim himoyachining deyarli bo'sh qolgan darvozaga zarbasi kuchli chiqmagani bois "Paxtakor" darvozaboni o'z xatosini to'g'riladi.
19. Xavfli vaziyat! Jarimadan uzatilgan to'pga Azmiddinov bosh bilan zarba yo'lladi, biroq uning urinishiga biroz aniqlik etishmadi. U bilan to'qnashib ketgan Nikabadzega tibbiy yordam ko'rsatilmoqda.
18. Abdumannopov qarshi hujumga o'tgan chog'i Hamrobekov tomonidan qoidabuzarlik evaziga to'xtatildi.
15. Iskanderov Sobirxo'jaevga nisbatan qo'pol o'ynagani uchun ogohlantirildi va raqibidan uzr so'radi. Hakam VAR bilan aloqaga chiqdi, ammo qarorini o'zgartirmadi.
13. Xavfli vaziyat! Iskanderovning jarimadan uzatmasi zarbaga aylanib ketdi, to'p mezbonlar vakili boshidan maydon tashqarisiga chiqib ketdi.
10. "Navbahor" burchak zarbasi amalga oshirish imkoniyatiga ega bo'ldi, ammo mezbon himoyachilar vaziyatni bartaraf etdi.
10. Hakam VAR bilan Sayfievning ehtimoliy chetlatilishini muhokama qildi, ammo bunga asos topilmadi.
8. Sobirxo'jaevning olis masofadan yo'llagan zarbasi sekin va noaniq ko'rinish oldi.
7. "Navbahor" yaxshi hujum tashkillashtirdi, biroq Haqnazariy hujumni ko'nglidagidek yakunlay olmadi.
3. Alijonovga nisbatan Tojiddinov tomonidan qo'pollik ishlatildi. "Navbahor" darvozasi tomon jarima zarbasi belgilandi.
1. Uchrashuv boshlandi.
Jamoalar maydonga chiqib kelishdi. "Paxtakor" oq, "Navbahor" ko'k rangli liboslarda harakat qiladi.
Teglar: ozbekiston, kubogi, kishi, bolib, qolgan, navbahor, penaltilar, seriyasida, paxtakorni, maglub, etib, final, yollanmasini, qolga, kiritdi,
← OldingaOrqaga →